Mix Up Review : మిక్స్ అప్ అనేది ఇటీవల OTTలోకి వ‌చ్చిన బోల్డ్ కంటెంట్ మూవీ. న్యూ ఏజ్ బోల్డ్ మూవీ మిక్స్ అప్ మార్చి 15 నుండి తెలుగు OTT ప్లాట్‌ఫామ్ ఆహాలో స్ట్రీమింగ్ అవుతోంది. టీజర్ , ట్రైలర్‌లో విపరీతమైన బోల్డ్ కంటెంట్‌ను చూపి ఇప్పటికే అంచనాలను పెంచిన మిక్స్ అప్ సినిమా . కమల్ కామరాజు, పూజా జవేరి, ఆదర్శ్ బాలకృష్ణ, అక్షర గౌడ ప్రధాన పాత్రలు పోషించగా, కామాక్షి భాస్కర్ల, బిందు చంద్రమౌళి కీలక పాత్రలు పోషించారు. అభయ్ (కమల్ కామరాజు)-నిక్కి (అక్షర గౌడ), సాహు (ఆదర్శ బాలకృష్ణ)-మైథిలి (పూజా జవేరి) భార్యాభర్తలు. వీరికి సెక్స్ , ప్రేమ పరంగా సమస్యలు ఉంటాయి. కాబట్టి ఈ ఇద్దరు జంటలు ఒక సైకాలజిస్ట్ (బిందు చంద్రమౌళి)ని విడివిడిగా కలుస్తారు. వారి వాదనలు విన్న తరువాత, థెరపిస్ట్ ఎటువంటి తొందరపాటు నిర్ణయం తీసుకోవద్దని , ఏదైనా టూర్ ప్లాన్ చేయవద్దని సలహా ఇస్తారు. వైద్యుల సలహా మేరకు దంపతులిద్దరూ గోవా వెళతారు. గోవా వెళ్లిన ఈ జంటల మధ్య ఏం జరిగింది? వారి సంబంధంలో సమస్యలు ఏమిటి? గోవా వెళ్లడానికి మరో కారణం ఏమిటి? సాహు మరియు నిక్కీకి స్నేహితురాలు అయిన రీతు (కామాక్షి భాస్కర్ల) పాత్ర ఏమిటి? గోవాలో ఏం జరిగింది? చివరికి ఈ రెండు జంటలు ఏమయ్యాయి? అనే ఆసక్తికర విషయాలు తెలియాలంటే మిక్స్ అప్ సినిమా చూడాల్సిందే.
సాధారణంగా తెలుగు సంప్రదాయంలో భార్యాభర్తలు జీవితాంతం కలిసి ఉంటారు. కానీ, ఇప్పుడు రోజులు మారాయి. వాటిని అర్థం చేసుకున్న వారితో జీవితాన్ని పంచుకోవాలనుకుంటారు. మరి ఆ అవగాహనకు అర్థం ఏమిటి?” అనే ప్రశ్నతో సినిమా మొదలవుతుంది. కట్ చేస్తే, ఇద్దరు జంటలు తమ భాగస్వామితో విడిపోవాలనుకుంటున్నారని చెప్పడంతో సినిమా కథలోకి వెళుతుంది. అయితే, ఇద్దరి పరిస్థితి కూడా అలాగే ఉంది. కానీ. , వాళ్ళ పార్టనర్ వాళ్ళు కోరుకున్నట్టు ఉండరు.అదే వాళ్ళకి ఉన్న సమస్య.ఒకరికి సెక్స్ అంటే విపరీతమైన పిచ్చి..పెళ్లి,ప్రేమ అంటే సెక్స్ మాత్రమే కాదు..కేరింగ్, రెస్పెక్ట్ వంటి చాలా ఉంటాయని భావించేవారు. ఒకరికి రావాల్సిన కరెక్ట్ పార్టనర్ మరొకరికి వచ్చారని అర్థమైపోతుంది.. పెళ్లయ్యాక గోవా ట్రిప్‌లో వారి సరైన భాగస్వాములను ఎలా కలిశారు అనేది కథ. మిక్స్‌అప్‌ సినిమాలో ఊహించని ట్విస్ట్‌లు లేవు. సినిమా మొదట్లో క్లైమాక్స్ చూస్తే అర్థమవుతుంది. ఆ సమయం వరకు వేచి చూడాల్సిందే. అయితే ప్రేక్షకులను కట్టిపడేసే సన్నివేశాలు పెద్దగా లేవనే చెప్పాలి.
సినిమాలో ఓ వైపు బెడ్‌రూమ్ సీన్స్, మరో వైపు అందమైన లవ్ ట్రాక్ సీన్స్ ఉండనున్నాయి. లవ్ ట్రాక్‌కి సంబంధించిన సన్నివేశాలు బాగున్నాయి. కాస్త ఎమోషనల్‌గా ఉంటారు. దర్శకుడు ఏం చెప్పాలనుకున్నాడో, ఎలా తీయాలనుకున్నాడో చిత్రీకరించినట్లు తెలుస్తోంది. చివరి మాట చెప్పాలంటే, “పెళ్లి అనేది ఎదుటి వ్యక్తిని అర్థం చేసుకోవడం మాత్రమే కాదు, అవతలి వ్యక్తిని అర్థం చేసుకోవడం కూడా. క్లారిటీగా చెప్పాలంటే కుటుంబ సభ్యులతో కలిసి చూడ‌లేని సినిమా. ఇప్ప‌టి కాలంలో బ‌తుకుతున్న వారికి ఇది కరెక్ట్ గా కానెక్ట్ అవుతుంది. ఎందుకంటే చాలా మంది జీవితాల్లో ఇదే జ‌రుగుతుంది కాబట్టి. ఈ సినిమా చూస్తే.. అరె ఇది నా జీవిత‌మే అనుకునే వాళ్లే ఎక్కువ‌మంది ఉంటారు. ఇప్ప‌టికి కాలంలో వ్య‌స‌నాల‌కు బానిసై భ‌ర్త‌కు దూర‌మైన భార్య‌లు, భార్య‌ల‌కు దూర‌మైన భ‌ర్తలే ఎక్క‌వ. కాబట్టి ఈ సినిమా అలాంటి వారికోస‌మే అని క్లారిటీగా అర్థమవుతుంది. సో ఈ సినిమా చూడలంటే దంప‌తులుగా వెళ్లాలే గానీ, పిల్ల‌ల‌తో అస‌లు వెళ్లి చూడ‌కూడ‌ని సినిమా అని చెప్పొచ్చు.