‘జాతి రత్నాలు’ తర్వాత నవీన్ పొలిశెట్టి, ‘భాగమతి’ తర్వాత అనుష్క శెట్టి కలిసి నటించిన చిత్రం ‘మిస్ శెట్టి..మిస్టర్ పొలిశెట్టి’. ఈ ఇద్దరు కూడా వెండితెర మీద కనిపించి చాలా సంవత్సరాలు అయ్యింది. నవీన్ పొలిశెట్టి రెండేళ్లు గ్యాప్ తీసుకుంటే, అనుష్క శెట్టి ఏకంగా 5 ఏళ్ళు గ్యాప్ తీసుకుంది. అలా ఈ ఇద్దరి క్రేజీ స్టార్స్ బాగా గ్యాప్ తీసుకొని నటించిన సినిమా కావడం తో ఈ మూవీ పై మార్కెట్ లో మంచి క్రేజ్ ఉంది.
ఎప్పుడో షూటింగ్ పూర్తి చేసుకొని విడుదల కావాల్సిన ఈ సినిమా కొన్ని అనుకోని కారణాల వల్ల షూటింగ్స్ వాయిదా పడుతూ ఎట్టకేలకు షూటింగ్ ని పూర్తి చేసుకొని విడుదలకు సిద్ధం అయ్యింది. సెప్టెంబర్ 7 వ తారీఖున విడుదల అవ్వబోతున్న ఈ సినిమాకి సంబంధించి పాటలు , టీజర్ మరియు ట్రైలర్ అన్నీ విడుదల అయ్యి మంచి రెస్పాన్స్ ని తెచ్చుకున్నాయి.
ఇకపోతే ఈ సినిమాకి సంబంధించిన మొదటి కాపీ ప్రివ్యూ షో నేడు కొంతమంది సినీ ప్రముఖుల సమక్షం లో ప్రసాద్ ల్యాబ్స్ లో వేశారు. దీనికి సంబంధించి టాక్ ఎలా ఉందో ఒకసారి చూద్దాము. ఈ చిత్రం ఫన్నీ ఎలిమెంట్స్ నింపేసారట, నవీన్ పొలిశెట్టి కామెడీ టైమింగ్ సినిమాలో ఉన్న ల్యాగ్ ని బాగా కవర్ చేసినట్టు తెలుస్తుంది. ఇక చాలా కాలం తర్వాత వెండితెర మీద కనిపించే అనుష్క ని చూసి అభిమానులు కచ్చితంగా మురిసిపోతారని చెప్తున్నారు.
అంత అందం గా ఆమె ఈ సినిమాలో కనిపించిందట. పని పాట లేకుండా ఉద్యోగం కోసం వెతుకుతున్న పోలిశెట్టి అనే అబ్బాయికి, చెఫ్ అయినా అనుష్క వద్ద ఉద్యోగం లభిస్తుంది. వీళ్లిద్దరి మధ్య జరిగిన కెమిస్ట్రీ మరియు లవ్ స్టోరీయే ఈ సినిమా. సినిమా పర్వాలేదు అనే రేంజ్ లో ఉంది కానీ , జాతి రత్నాలు రేంజ్ బ్లాక్ బస్టర్ అయ్యేంత ఛాన్స్ లేదట, మరి ఆడియన్స్ తీర్పు ఎలా ఉంటుందో చూద్దాం.
