Bigg Boss Telugu 7 ప్రస్తుతం స్టార్ మా ఛానల్ లో రికార్డు స్థాయి టీఆర్ఫీ రేటింగ్స్ ని దక్కించుకుంటూ ముందుకు దూసుకుపోతున్న సంగతి అందరికీ తెలిసిందే. ఇప్పటి వరకు టెలికాస్ట్ అయిన అన్నీ సీజన్స్ లోకి సీజన్ 7 కి అత్యధిక రేటింగ్స్ వస్తున్నాయని అంటున్నారు. ఇదంతా పక్కన పెడితే ఈ సీజన్ లో అమర్ దీప్ మరియు శివాజీ మధ్య కోల్డ్ వార్ నడుస్తున్న విషయం కోట్లాది మంది తెలుగు ప్రేక్షకులు చూస్తూనే ఉన్నారు.
శివాజీ ఎప్పటికప్పుడు అమర్ దీప్ పై విషం కక్కుతూనే ఉన్నాడు. అమర్ దీప్ వెనుక చేరి శివాజీ చేసినన్ని కామెంట్స్ ఇప్పటి వరకు బిగ్ బాస్ హిస్టరీ లో ఏ కంటెస్టెంట్ కూడా చెయ్యలేదని అంటున్నారు చూసే ప్రేక్షకులంతా. ఇకపోతే బిగ్ బాస్ సీజన్ 5 లో టాప్ 5 కంటెస్టెంట్స్ లో ఒకరిగా నిల్చిన మానస్ శివాజీ పై లేటెస్ట్ గా చేసిన కామెంట్స్ ఇప్పుడు సోషల్ మీడియా లో వైరల్ గా మారాయి.
ఆయన మాట్లాడుతూ ప్రతీ సీజన్ లో శివాజీ లాంటి విలన్స్ ఉంటారు, కానీ హీరో ఎవరు అనేది జనాలే తెలుస్తారు అంటూ కామెంట్స్ చేసాడు. శివాజీ కేవలం ఇద్దరి పట్ల మాత్రమే వ్యక్తిగత ఇష్టం చూపించి మిగిలిన కంటెస్టెంట్స్ అందరి ఆట ని చెడగొట్టే ప్రయత్నం చేస్తున్నాడని, నేను ఇది వరకు ఎంతో మంది రకరకాల మైండ్ సెట్ ఉన్న కంటెస్టెంట్స్ ని చూసాను కానీ, శివాజీ లాంటి కంటెస్టెంట్ ని ఇప్పటి వరకు చూడలేదు అంటూ ఆసక్తికరమైన వ్యాఖ్యలు చేసాడు.
మానస్ అమర్ దీప్ కి మంచి స్నేహితుడు అనే విషయం మన అందరికి తెలిసిందే. అమర్ దీప్ కి సీరియల్స్ లో అవకాశాలు ఇప్పించి, అతని కెరీర్ ని వేరే లెవెల్ కి తీసుకెళ్లిన వ్యక్తి మానస్. వీళ్లిద్దరి మధ్య ఉన్న బాండింగ్ అన్నదమ్ములకు ఏమాత్రం తక్కువ కాదు అని చెప్పడం లో ఎలాంటి అతిశయోక్తి లేదు.