ప్రభాస్ హీరోగా దర్శకుడు మారుతి ఓ హారర్ కామెడీ సినిమా తీస్తున్న సంగతి తెలిసిందే. అందులో మాళవికా మోహనన్ ఒక హీరోయిన్. అయితే, అఫీషియల్ గా ఆ సినిమా గురించి ఇంకా అనౌన్స్ చేయలేదు. ప్రభాస్, మారుతి సినిమా గురించి ఇంకా అఫీషియల్ గా అనౌన్స్ చేయకపోవడంతో ఇంకా ఎవరు డైరెక్టుగా ఓపెన్ కావడం లేదు. మాళవికా మోహనన్ కూడా ఇన్ డైరెక్టుగా సినిమా గురించి చెప్పారు.
తాజాగా నెటిజన్లతో ముచ్చటించిన మాళవిక మోహనన్ ప్రభాస్ గురించి చేసిన కామెంట్ ప్రస్తుతం సోషల్ మీడియాలో తెగ వైరల్ అవుతోంది. ప్రభాస్ గురించి ఒక్క మాటలో చెప్పాలని నెటిజన్ల నుంచి ప్రశ్న ఎదురు కాగా ప్రభస్ ఛర్మిష్మాటిక్ అని మాళవిక సమాధానం చెప్పారు. ప్రభాస్ ఆకర్షణీయమైన వ్యక్తి అని (Malavika Mohanan) మాళవిక చెప్పుకొచ్చారు. ప్రభాస్ గురించి గతంలో కూడా పలువురు హీరోయిన్లు పాజిటివ్ గా చెప్పిన సంగతి తెలిసిందే. పవన్ సినిమాలో మాళవికకు ఛాన్స్ వచ్చిందని ప్రచారం జరిగినా ఆ ప్రచారంలో నిజం లేదని తేలిపోయింది.
ప్రభాస్ మారుతి కాంబో మూవీ భారీ బడ్జెట్ తో తెరకెక్కుతుండగా ఈ సినిమా బాక్సాఫీస్ వద్ద ఎలాంటి విజయాన్ని సొంతం చేసుకుంటుందో చూడాలి. ప్రభాస్ ఒక్కో సినిమాను పూర్తి చేస్తూ కెరీర్ పరంగా ఆచితూచి అడుగులు వేస్తున్నారు. విజయ్ ‘మాస్టర్’, రజనీకాంత్ ‘పేట’ సినిమాలతో తెలుగు ప్రేక్షకులకు మాళవికా మోహనన్ సుపరిచితులే. అయితే, తెలుగులో ఇప్పటి వరకు స్ట్రెయిట్ సినిమా చేయలేదు. ప్రభాస్ మారుతి సినిమాతో పరిచయం అవుతున్నారు.