Sreeleela : ప్రస్తుతం టాలీవుడ్ లో శ్రీలీల జపం ని అటు స్టార్ హీరోలు,కుర్ర హీరోలు మరియు దర్శక నిర్మాతలు ఏ రేంజ్ లో చేస్తున్నారో మనమంతా చూస్తూనే ఉన్నాం. సినిమా కంటెంట్ తో అసలు అవసరమే లేదు, శ్రీలీల ఉంటే చాలు థియేటర్స్ కి క్యూలు కట్టేస్తున్నారు ఆడియన్స్. అందుకే ఆమె డేట్స్ కోసం ఎంత డబ్బులైనా ఇవ్వడానికి సిద్ధం అవుతున్నారు.
నిన్న మొన్నటి వరకు కేవలం డ్యాన్స్ లోనే తన టాలెంట్ ని చూపించిన శ్రీలీల, రీసెంట్ గా విడుదలైన ‘భగవంత్ కేసరి’ చిత్రం తో నటిగా కూడా తనని తానూ ప్రూవ్ చేసుకుంది. ఇప్పుడు ఆమె పంజా వైష్ణవ్ తేజ్ తో కలిసి నటించిన ‘ఆది కేశవ్’ చిత్రం తో మరోసారి ప్రేక్షకుల ముందుకు రాబోతుంది. ఈ చిత్రం తో పాటుగా ఆమె మహేష్ బాబు తో ‘గుంటూరు కారం’ అలాగే పవన్ కళ్యాణ్ తో ‘ఉస్తాద్ భగత్ సింగ్’ వంటి చిత్రాల్లో కూడా నటిస్తుంది.
ఇదంతా పక్కన పెడితే శ్రీలీల చిన్న సినిమాలకు రెండు నుండి మూడు కోట్ల రూపాయిలు, అలాగే పెద్ద సినిమాలకు 5 కోట్ల రూపాయలకు పైగా రెమ్యూనరేషన్స్ ని తీసుకుంటున్న సంగతి మన అందరికీ తెలిసిందే. ప్రతీ రోజు క్షణం తీరిక కూడా లేకుండా గడుపుతున్న శ్రీలీల, ప్రీ రిలీజ్ ఈవెంట్స్ కి రావడం మరియు సక్సెస్ మీట్స్ కి రావడం చాలా కష్టం అయిపోతుంది.
అందుకే ఆమె ఈవెంట్స్ కి రావాలంటే కూడా రెమ్యూనరేషన్ ని డిమాండ్ చేస్తుందట. ప్రతీ ఈవెంట్ లోని ఒక్కో గంటకి ఆమె 12 లక్షల రూపాయిలు డిమాండ్ చేస్తుందట. ఏదైనా షాపింగ్ మాల్స్ ఓపెనింగ్ కి వెళ్లి రిబ్బన్ కట్ చెయ్యాలంటే పాతిక నుండి 30 లక్షల వరకు డిమాండ్ చేస్తుందట. ఇల్లు ఉండగానే దీపం చక్కబెట్టుకోవాలి అన్నట్టు, క్రేజ్ ఉండగానే శ్రీలీల తెగ సంపాదించేస్తుంది అని సోషల్ మీడియా లో నెటిజెన్స్ కామెంట్స్ చేస్తున్నారు.
