Jr Ntr : నందమూరి నట వారసుడిగా సినీ ఇండస్ట్రీలోకి ఎంట్రీ ఇచ్చారు యంగ్ టైగర్ ఎన్టీఆర్. తాత పోలికలతో పాటు నటనను పునికి పుచ్చుకుని టాప్ హీరోగా కొనసాగుతున్నారు. ఆయన ఏ పాత్ర చేసినా ఆ పాత్రకు పూర్తి న్యాయం చేస్తారు. సినిమాల్లో ఆయన నటనను చూసిన ప్రతి ఒక్కరు తనకు అభిమానులు అయిపోవాల్సిందే. ఆర్ఆర్ఆర్ చిత్రంతో దేశవ్యాప్తంగా ఆయనకు క్రేజ్‌ ఏర్పడింది. సెలెక్టివ్ గా కథలను ఎంచుకుంటూ మరుపురాని పాత్రలతో ప్రేక్షకులను అలరిస్తున్నారు.
అలాంటి ఎన్టీఆర్ తన సినీ కెరీర్ లో ఎన్నో సినిమాలను రిజెక్ట్ చేశాడ‌న్న సంగ‌తి తెలిసిందే. వాటిలో కొన్ని హిట్ కాగా.. మరి కొన్ని ఫ్లాప్ అయ్యాయి. ఇలా ఎన్టీఆర్ రిజెక్ట్ చేసిన వాటిలో ఓ సూపర్ హిట్ సినిమా ఉంది. అదే ఊపిరి సినిమా. వంశీ పెడిపల్లి దర్శకత్వంలో వచ్చిన ఈ సినిమాను పీవీపీ బ్యానర్ పై ప్రసాద్ వి పొట్లూరి నిర్మించారు. ఇందులో మన్మథుడు నాగార్జున, కారీ హీరోలుగా నటించారు.
ఈ సినిమాలో తమన్నా, అనుష్క శెట్టి, శ్రీయ నటించారు. తెలుగుతో పాటు తమిళంలో కూడా ఒకేసారి విడుదలైంది ఈ సినిమా. ఈ చిత్రం 2016 మార్చి 25న విడుద‌లై బాక్సాఫీస్ వ‌ద్ద మంచి కలెక్షన్లు రాబట్టింది. ఈ సినిమాలో విక్రమాదిత్య అనే ఓ బడా వ్యాపారవేత్తగా నాగార్జున నటించారు. కార్తీ ఓ నిరు పేద కుటుంబానికి చెందిన శీను అనే పాత్ర పోషించాడు. అయితే మొద‌ట కార్తీ పోషించిన పాత్రకు డైరెక్టర్ వంశీ పైడిప‌ల్లి ఎన్టీఆర్ ను అనుకున్నారట.
దాంతో వెంటనే వెళ్లి ఎన్టీఆర్ కు కథ చెప్పగా బాగా నచ్చిందట. కానీ సినిమా చేయనని సున్నితంగా రిజెక్ట్ చేశాడట. నిజానికి ఊపిరి సినిమాలో హీరో నాగార్జునకు ఓ ప్రమాదం జరుగుతుంది. దీని కారణంగా ఆయన వీల్ చైర్ కే పరిమితం అవుతారు. అత‌నికి కేర్ టేక‌ర్ గా కార్తీ జాయిన్ అవుతాడు. సినిమాలో కొన్ని సీన్లలో నాగార్జున కాళ్లు పట్టుకుంటాడు కార్తీ. అలాంటి సీన్లలో నటించడం ఇష్టం లేకనే ఎన్టీఆర్ ఊపిరి మూవీని రిజెక్ట్ చేశాడ‌ని తెలుస్తోంది. ఎన్టీఆర్ చేయననడంతో వంశీ కార్తీ రంగంలోకి దింపారట. కాకపోతే కార్తీ కూడా తన పాత్రకు తగిన న్యాయం చేయడంతో సినిమా సూపర్ హిట్ అయింది.