Jaanavule : పవర్ స్టార్ పవన్ కళ్యాణ్ మరియు సాయి ధరమ్ తేజ్ కాంబినేషన్ లో సముద్ర ఖని దర్శకత్వం వహించిన ‘బ్రో ది అవతార్’ చిత్రం ఈ నెల 28 వ తారీఖున ప్రపంచవ్యాప్తంగా ఘనంగా విడుదల కాబోతున్న సంగతి అందరికీ తెలిసిందే. ఈ సందర్భంగా ఈ చిత్రానికి సంబంధించిన ప్రొమోషన్స్ ని వేగవంతం చేసారు. ఇప్ప్పటికే ఈ సినిమానుండి టీజర్ , మరియు ‘మై డియర్ మార్కండేయా’ లిరికల్ వీడియో సాంగ్ విడుదల అయ్యాయి.
ఈ రెండిటికి ఫ్యాన్స్ నుండి రెస్పాన్స్ అద్భుతంగా వచ్చింది. మొదటి లిరికల్ వీడియో సాంగ్ కి విడుదల చేసిన రోజు కాస్త డివైడ్ రెస్పాన్స్ వచ్చింది కానీ, రెండవ రోజు నుండి మాత్రం స్లో గా పికప్ అవుతూ వచ్చింది. ఇప్పుడు ఈ పాటకి 11 మిలియన్ కి పైగా వ్యూస్ వచ్చాయి. ఇక ఈ సినిమా నుండి రెండవ లిరికల్ వీడియో సాంగ్ ‘జానవులే’ ని కాసేపటి క్రితమే విడుదల చేసారు.
ఈ సాంగ్ ఎలా ఉంటుందో అని ఫ్యాన్స్ భయపడ్డారు కానీ , కొత్త రకం ట్యూన్ తో థమన్ అదరగొట్టేసాడు. మొదటిసారి విన్నప్పుడే ఈ ట్యూన్ చాలా క్యాచీ గా అనిపించింది. లిరిక్స్ కూడా బాగున్నాయి. ఇక ఫారిన్ లొకేషన్ లో సాయి ధరమ్ తేజ్ మరియు కేతిక శర్మ మధ్య రొమాన్స్ అంత గొప్పగా అనిపించలేదు. ఎదో సాంగ్ చెయ్యాలి అనే విధంగా చేసినట్టు చూసేవాళ్ళకు అనిపించింది.
ఇక డ్యాన్స్ మూవ్మెంట్స్ వేసేటప్పుడు సాయి ధరమ్ తేజ్ ఇబ్బందిని మనం గమనించొచ్చు, ఆయనకంటే కూడా హీరోయిన్ కేతిక శర్మ హుషారుగా డ్యాన్స్ స్టెప్పులు వేసింది. ఈ సాంగ్ ని రీసెంట్ గానే జర్మనీ లో షూట్ చేసారు. ఈ పాటతోనే సినిమా కి గుమ్మడి కాయ కొట్టారు. ట్యూన్ పరంగా అద్భుతంగా ఉన్నప్పటికీ పిక్చరైజేషన్ ఎలా ఉంటుందో అని ఫ్యాన్స్ భయపడుతున్నారు. చూడాలి మరి.