NTR : యంగ్ టైగర్ ఎన్టీఆర్ ఆర్ఆర్ఆర్ సినిమాతో ప్రపంచవ్యాప్తంగా క్రేజ్ సొంతం చేసుకున్న విషయం తెలిసిందే. ఇక ఇప్పుడు బాలీవుడ్ లో సినిమా చేయనున్నారు తారక్. ప్రస్తుతం కొరటాల శివ దర్శకత్వంలో సినిమా చేస్తున్నారు ఎన్టీఆర్. దేవర అనే టైటిల్ తో తెరకెక్కుతోన్న ఈ సినిమా షూటింగ్ శరవేగంగా జరుగుతోంది. ఈ సినిమాలో బాలీవుడ్ అందాల భామ జాన్వీ కపూర్ హీరోయిన్ గా నటిస్తుంది.
ఇదిలా ఉంటే బాలీవుడ్ లో తారక్ సినిమా చేస్తున్నారంటూ గత కొద్దిరోజులుగా వార్తలు వస్తున్నాయి. హృతిక్ రోషన్ తో కలిసి ఎన్టీఆర్ వార్ 2 సినిమాలో నటించనున్నారు. ఈ విషయానికి సంబంధించి గతంలో హృతిక్ కూడా హింట్ ఇచ్చాడు. దాంతో తారక్ బాలీవుడ్ లో సినిమా చేయడం కన్ఫర్మ్ అంటూ అభిమానులు ఆనందంలో తేలిపోతున్నారు. ఇప్పుడు మరో బాలీవుడ్ సినిమాలనూ తారక్ నటించనున్నారని వార్తలు వినిపిస్తున్నాయి. సల్మాన్ ఖాన్ నటించిన ‘టైగర్ 3’ సినిమా విడుదలకు సిద్ధంగా ఉంది.
దీపావళికి సినిమా విడుదలవుతోంది. ఈ సినిమాలో సల్మాన్ ఖాన్‌కు జోడీగా కత్రినా కైఫ్‌ కనిపించింది. ఈ సినిమాలో షారుక్ ఖాన్ అతిథి పాత్రలో నటించనున్నారని బాలీవుడ్ లో టాక్ వినిపిస్తుంది. అంతేకాదు ఈ సినిమాలో జూనియర్ ఎన్టీఆర్ కూడా కనిపిస్తాడని ప్రచారం జరుగుతోంది. జూనియర్ ఎన్టీఆర్ పాత్ర ‘టైగర్ 3’ క్లైమాక్స్‌లో పరిచయం కానున్నట్టు ప్రముఖ బాలీవుడ్ ఫిల్మ్ క్రిటిక్, ట్రేడ్ అనలిస్ట్ విశ్వజిత్ పాటిల్ వెల్లడించారు. ఎక్స్‌క్లూజివ్ అంటూ సమాచారాన్ని ఎక్స్‌లో పోస్ట్ చేశారు. మరి దీనిపై యశ్ రాజ్ ఫిలింస్ నుంచి అధికారిక ధ్రువీకరణ రావాల్సి ఉంది.