Shivaji : ఈ సీజన్ బిగ్ బాస్ హౌస్ అన్నీ విషయాల్లో బాగానే ఉంది కానీ, హోస్ట్ గా వ్యవహరిస్తున్న నాగార్జున మీద మాత్రం కొన్ని కంప్లైంట్స్ ఉన్నాయి. ఈ షో ని చూసే ప్రతీ ఒక్కరికి నాగార్జున శివాజీ విషయం లో చాలా సపోర్టివ్ గా ఉంటున్నట్టుగా అనుకుంటున్నారు. మొదటి నుండి శివాజీ ఏది చేస్తే అది కరెక్ట్, ఈ హౌస్ కి సెకండ్ బిగ్ బాస్ ఆయనే అని అందరూ అనుకుంటూ వచ్చారు. అందరి కంటెస్టెంట్స్ లాగానే శివాజీ కూడా తప్పులు చేసాడు.
కానీ ఎందుకో ఆయన్ని మాత్రం ప్రేక్షకులు కోరుకున్న రీతిలో ప్రశ్నించలేకపోయాడు. ముఖ్యంగా గౌతమ్ మరియు శివాజీ మధ్య జరిగిన గొడవ విషయం లో కానీ, అమర్ దీప్ మరియు శివాజీ విషయం లో జరిగిన గొడవలో కానీ నాగార్జున కేవలం శివాజీ వైపు లాయర్ గా వ్యవహరించాడే కానీ జడ్జీ గా వ్యవహరించలేదని చాలా మంది అభిప్రాయం.
ఇదంతా పక్కన పెడితే శివాజీ ఎవరైనా హౌస్ లో టార్గెట్ చేస్తే వాళ్ళని ఎలిమినేట్ చెయ్యడమో, లేకపోతే నాగార్జున చేత ఫుల్ కోటింగ్ ఇప్పించాడమో ఎదో ఒకటి కచ్చితంగా జరుగుతూ వస్తుందని ప్రేక్షకుల అభిప్రాయం. అందుకే హౌస్ లో ఒక్క గౌతమ్ మినహా, మిగిలిన కంటెస్టెంట్స్ ఎవ్వరూ కూడా శివాజీ ని టార్గెట్ చెయ్యాలంటే భయపడే పరిస్థితిని తీసుకొచ్చారు.
అంతే కాకుండా అమర్ దీప్ ని టైటిల్ విన్నింగ్ రేస్ నుండి తప్పించి, ఆయన స్థానం లోకి శివాజీ ని రేస్ లో నిలిపేందుకు స్టార్ మా ఛానల్ విశ్వ ప్రయత్నాలు చేస్తుంది అంటూ సోషల్ మీడియా లో కామెంట్స్ వినిపిస్తున్నాయి. ఎందుకంటే కేవలం అమర్ దీప్ చేసే తప్పులను మాత్రమే ఫోకస్ చేస్తూ, వీకెండ్ లో ఆయన గ్రాఫ్ ని తగ్గించేందుకు నాగార్జున విశ్వ ప్రయత్నాలు చేస్తున్నాడని, కానీ అది రివర్స్ లో అమర్ దీప్ గ్రాఫ్ ని పెంచడానికి ఉపయోగపడుతుంది అంటూ సోషల్ మీడియా లో నెటిజెన్స్ కామెంట్స్ చేస్తున్నారు.