Jabardasth Rohini : తెలుగు ప్రేక్షకులకు జబర్దస్త్ లేడీ కమెడియన్ రోహిణి గురించి ప్రత్యేకంగా పరిచయం అవసరం లేదు. తెలుగులో ఎన్నో సీరియల్స్ లో క్యారెక్టర్ ఆర్టిస్టుగా నటించి తనకంటూ ఒక విశిష్ట గుర్తింపును సంపాదించుకుంది. నటిగా మంచి పాపులారిటీని ఏర్పరుచుకున్న రోహిణి బిగ్ బాస్ హౌస్ లోకి ఎంట్రీ ఇచ్చి మరింత పాపులారిటీని దక్కించుకుంది. కేవలం బుల్లితెరపై మాత్రమే కాకుండా ప్రస్తుతం వెండితెరపై కూడా పలు సినిమాలలో నటిస్తూ మెప్పిస్తోంది. ఇటీవల విడుదల అయిన హనుమాన్ సినిమా, సేవ్ ద టైగర్స్ వెబ్ సిరీస్ లలో రోహిణి తన కామెడీ టైమింగ్‌తో అందరినీ నవ్వించింది.
జబర్దస్త్ కామెడీ షో ద్వారా ఎంతో మంది నటీనటులు పాపులర్ అయ్యారు. ముఖ్యంగా లేడీ కమెడియన్ రోహిణి కూడా హైపర్ ఆది టీమ్‌లో చేరి పలు స్కిట్స్ చేసింది. అలాగే శ్రీదేమి డ్రామా కంపెనీ‌లో కూడా పాల్గొంటూ తన మార్క్ కామెడీతో ఎంతో మందిని నవ్విస్తూ క్రేజ్ పెంచుకుంటుంది. రోహిణి కామెడీ టైమింగ్ బాగుండడంతో అందరూ ఆమె చేసే స్కిట్స్ కోసం ఎదురు చూస్తుంటారు. తాజాగా, రోహిణి హైపర్ ఆదిపై సంచలన ఆరోపణలు చేసింది. ప్రస్తుతం టాపిక్ చర్చనీయాంశంగా మారింది. హైపర్ ఆది నా వ్యాపారం నాశనం చేసి నా కడుపు కొట్టాడు. ఇప్పుడు నాకు ఏ దిక్కు లేదు కాబట్టి అతనే నన్ను పెళ్లి చేసుకోవాలని ఆరోపించింది. శ్రీదేవి డ్రామా కంపెనీ షోలో పాల్గొన్న రోహిణి ఓ స్కిట్ చేసింది.
ఇందులో ఐస్‌క్రీమ్, బుగ్గలు అమ్ముకునే మహిళగా రోహిణి కనిపించింది. అయితే ఇదే షోకి వచ్చిన హైపర్ ఆది తన పంచులతో ఆమె బిజినెస్ పాడు చేస్తాడు. దీంతో కోపంతో రగిలిపోయిన రోహిణి ఈ సంచలన ఆరోపణలు చేసింది. తన కడుపు కొట్టాడు.. కాబట్టి నువ్వే నన్ను పెళ్లి చేసుకోవాలని పట్టుబడుతుంది. కానీ ఇదంతా రియల్ లైఫ్ లో కాదు.. స్కిట్‌లో భాగం అని తెలుస్తోంది. ప్రస్తుతం రోహిణి కామెంట్స్ సోషల్ మీడియాలో తెగ వైరల్ అవుతున్నాయి.