Naga Chaitanya : టాలీవుడ్ లో అక్కినేని హీరో నాగ చైతన్య నటించిన సినిమాలేవీ ఈ మధ్య కాలంలో పెద్దగా విజయం సాధించలేదు. గతంలో దర్శకుడు కె విక్రమ్ దర్శకత్వంలో దూత అనే వెబ్ సిరీస్ కూడా ప్రారంభమైంది. అయితే కొన్ని కారణాల వల్ల ఈ వెబ్ సిరీస్ వాయిదా పడుతూ వస్తోంది. ఎట్టకేలకు దూత వెబ్ సిరీస్ ను విడుదల చేస్తున్నట్లు తెలుస్తోంది. ఇటీవల నాగ చైతన్య ఓటీటీ ప్రపంచంలోకి అడుగు పెట్టడానికి రకరకాలుగా ప్రయత్నిస్తున్నాడు. ఈసారి ఎలాగైనా ఈ వెబ్ సిరీస్‌తో మంచి విజయాన్ని అందుకోవాలని చూస్తున్నారు.
దూత ట్రైలర్‌ను విడుదల చేయగా, అద్భుతమైన స్పందన వచ్చింది. ఈ వెబ్ సిరీస్ డిసెంబర్ 1న ప్రేక్షకుల ముందుకు రానుంది. థ్రిల్లింగ్ యాక్షన్ సన్నివేశాలు కూడా ట్రైలర్‌లో హైలైట్‌గా కనిపిస్తున్నాయి. ఈ వెబ్ సిరీస్‌ని పాన్ ఇండియా లెవల్‌లో విడుదల చేస్తున్నారు. అయితే ఇందులో నాగ చైతన్య అద్భుతంగా నటించాడు. అయితే ఈ వెబ్ సిరీస్ కోసం నాగ చైతన్య ఎంత తీసుకున్నాడు అనే ప్రశ్న ఇప్పుడు ఇండస్ట్రీలో హాట్ టాపిక్‌గా మారుతోంది.
వివిధ నివేదికల ప్రకారం, దూత వెబ్ సిరీస్ కోసం నాగ చైతన్య 8 కోట్ల రూపాయలు తీసుకున్నాడని తెలుస్తోంది. ఎన్నో సినిమాల్లో నటించి మంచి పేరు తెచ్చుకున్న నాగ చైతన్య ఈ వెబ్ సిరీస్ తో తప్పకుండా విజయం సాధిస్తాడని అభిమానులు చాలా నమ్మకంగా ఉన్నారు. ముఖ్యంగా ట్రైలర్ దూత వెబ్ సిరీస్ కు మంచి క్రేజ్ తెచ్చిపెట్టింది. మరి ఏం జరుగుతుందో తెలియాలంటే డిసెంబర్ 1 వరకు ఆగాల్సిందే.