Chiranjeevi – Pawan Kalyan : మెగాస్టార్ చిరంజీవి గురించి ప్రత్యేకంగా పరిచయం అవసరం లేదు. ఆయనకు ప్రపంచ వ్యాప్తంగా కోట్లాదిమంది అభిమానులు ఫాలోయింగ్ సంపాదించుకున్న చిరంజీవి ఎన్నో హిట్ సినిమాల్లో నటించాడు. ఇక చిరంజీవి ఓ మెగా సామ్రాజ్యాన్ని స్థాపించి తన ఫ్యామిలీ నుంచి ఎంతోమంది స్టార్ హీరోలను వెండితెరకు పరిచయం చేశారు. అయితే చిరంజీవి కెరీర్ మొదట్లో ఏదైనా సినిమా విషయంలో కథపరంగా లోటుగా ఉందనిపిస్తే.. తన ఆస్థాన రైటర్ అయిన పరుచూరి బ్రదర్స్, యండమూరి వీరేంద్రనాథ్, సత్యనాథ్ ఇలా పలువురు రైటర్లను కూర్చోబెట్టి ఆ కథలలో మార్పులు, చేర్పులు చేసి మరి సినిమాను తెరకెక్కించేవారట.
అందుకే ఆయన సినిమాలు చాలా వరకు అప్పట్లో సక్సెస్ అయ్యేవ‌ని టాక్‌. ఇక మొదటి నుంచే మంచి కంటెంట్ ఉన్న డైరెక్టర్లను ఎంకరేజ్ చేస్తూ వచ్చే చిరంజీవి.. తాజాగా నటిస్తున్న బింబిసార సినిమాతో తన టాలెంట్ నిరూపించుకున్న యంగ్ డైరెక్టర్ వశిష్టకు డైరెక్షన్ ఛాన్స్ ఇచ్చాడు. అయితే తాజాగా ఈ సినిమాకు సంబంధించిన ఓ ఆసక్తికరమైన న్యూస్ సోషల్ మీడియాలో తెగ వైరల్ అవుతోంది. ఈ సినిమాలో మెగాస్టార్ తో పాటు ఓ చిన్న రోల్‌ కోసం పవన్ కళ్యాణ్ కూడా ఆయనతో కలిసి నటిస్తున్నాడని తెలుస్తోంది.
అయితే ఇటీవల పవన్ కళ్యాణ్ కి సంబంధించిన స్టోరీ లైన్ గురించి చర్చలు జరిగాయని.. ఆ చిన్న క్యారెక్టర్ లో నటించడానికి పవన్ కల్యాణ్ ఓకే చెప్పినట్లు తెలుస్తోంది. పాత్ర న‌డివి కూడా 15- 30 నిమిషాల‌లోపు ఉంటుందట. అయితే ఇప్పుడు ఎలక్షన్ నేపథ్యంలో పవన్ కళ్యాణ్ బిజీగా ఉంటున్నాడు కాబట్టి షూట్ కి రావడం కుదరదు. అందుకే ఎలక్షన్స్ తరువాత ఈ షూటింగ్‌లో పవన్ పాల్గొంటాడట. అప్పటి వరకు చిరంజీవి సన్నివేశాలను షూట్ చేసి పవన్ డేట్స్ కుదిరినప్పుడు తనను ఇన్వాల్వ్ చేయాలని చిత్ర బృందం భావిస్తుందట.