Hanuman Collections : ఈ సంక్రాంతి కానుకగా జనవరి 12 వ తారీఖున విడుదలైన ‘హనుమాన్’ చిత్రం బాక్స్ ఆఫీస్ పరంగా ఏ రేంజ్ ప్రభంజనం సృష్టిస్తూ ముందుకు దూసుకుపోతుందో మనమంతా చూస్తూనే ఉన్నాం. ఇప్పటికీ కూడా ఈ సినిమాకి వస్తున్న వసూళ్ళలో సగ భాగం కూడా మిగిలిన సంక్రాంతి సినిమాలకు రావడం లేదంటే, ఈ సినిమా ఏ రేంజ్ బ్లాక్ బస్టర్ హిట్ అనేది అర్థం చేసుకోవచ్చు.
ట్రేడ్ పండితులు అందిస్తున్న సమాచారం ప్రకారం ఈ సినిమాకి రెండు వారాలకు కలిపి 120 కోట్ల రూపాయలకు పైగా షేర్ వసూళ్లు రాబట్టింది అట. ఇక నిన్న రిపబ్లిక్ డే రోజు ఈ చిత్రం మరోసారి పవర్ ప్లే బ్యాటింగ్ చేసిందని, కేవలం ఆంధ్ర ప్రదేశ్ తెలంగాణ నుండి ఈ సినిమాకి నిన్న ఆరు నుండి 7 కోట్ల రూపాయిల షేర్ వసూళ్లు వచ్చాయని అంటున్నారు. ఇదే ఇప్పుడు సోషల్ మీడియాలో హాట్ టాపిక్ గా మారిన అంశం.
#RRR చిత్రానికి కూడా రెండవ వారం దాటినా తర్వాత ఈ రేంజ్ వసూళ్లు వచ్చిన రోజు లేదని, మంచి సినిమాకి ఉన్న పవర్ అలాంటిది అంటూ సోషల్ మీడియా లో కామెంట్స్ చేస్తున్నారు నెటిజెన్స్. అంతే కాకుండా ఈ సినిమా #RRR కి సంబంధించిన మరో అరుదైన రికార్డుని కూడా బద్దలు కొట్టబోతున్నట్టు తెలుస్తుంది. ఎలా అంటే #RRR చిత్రానికి విడుదలైన మొదటి రోజు నుండి 17 రోజుల వరకు రెండు తెలుగు రాష్ట్రాల్లో నాన్ స్టాప్ గా కోటి రూపాయలకు పైగా షేర్ వసూళ్లను రాబట్టింది.
ఇప్పుడు ఆ సినిమా రికార్డుని హనుమాన్ బ్రేక్ చేసే అవకాశం ఎక్కువగా ఉందని అంటున్నారు ట్రేడ్ పండితులు. ఓవర్సీస్ లోని నార్త్ అమెరికా లో కూడా ఈ చిత్రానికి 5 మిలియన్ డాలర్లు వచ్చాయని, ఇప్పటి వరకు బాహుబలి సిరీస్, సలార్, #RRR కి తప్ప ఏ స్టార్ హీరో సినిమాకి కూడా 5 మిలియన్ డాలర్స్ రాలేదని అంటున్నారు ట్రేడ్ పండితులు.
