 తన ప్రియుడు సోహైల్తో వివాహ బంధంలోకి అడుగుపెట్టింది. జైపుర్లోని){kind=link}
టాలీవుడ్ యాపిల్ బ్యూటీ హన్సికా మొత్వాని ( Hansika Motwani ) తన ప్రియుడు సోహైల్తో వివాహ బంధంలోకి అడుగుపెట్టింది. జైపుర్లోని ఓ కోటలో గ్రాండ్గా జరిగిన వేడుకలో.. బంధువులు, స్నేహితుల సమక్షంలో ఈ జంట ఒక్కటైంది. హిందూ ఆచార సంప్రదాయాలతో వీరి పెళ్లి జరిగింది.
ముంబయికి చెందిన వ్యాపారవేత్త సోహైల్ కథారియాతో ఈ దేశముదురు భామ లవ్లో పడింది. పారిస్లోని లవ్ స్పాట్ ఐఫిల్ టవర్ వద్ద సోహైల్ హన్సికకు గ్రాండ్గా ప్రపోజ్ చేశాడు. సోహైల్తో పెళ్లికి ఈ బ్యూటీ వెంటనే ఓకే చెప్పేసింది. ఆ తర్వాత రెండు కుటుంబాలు పెళ్లి పనులు చకాచకా చేసేశాయి.
జైపూర్లోని ఓ రాజకోటలో దాదాపు నాలుగు రోజులుగా హన్సిక-సోహైల్ పెళ్లి వేడుక జరిగింది. మెహందీ, హల్దీ, సంగీత్, ప్రీ వెడ్డింగ్ బాష్, వివాహ వేడుక ఇలా గ్రాండ్గా నిర్వహించారు. ఈ సెలబ్రేషన్స్కు సంబంధించిన ఫొటోలు సోషల్ మీడియాలో వైరల్ అయ్యాయి.
వివాహ వేడుకకు హన్సిక రెడ్ కలర్ లెహెంగాలో రెడీ అయింది. సిల్వర్, వైట్ కలర్ షెర్వానీలో సోహైల్ కలర్‌ఫుల్‌గా తయారయ్యాడు. ఈ వేడుకకు సంబంధించిన ఫొటోలు, వీడియోలో నెట్టింట తెగ వైరల్ అవుతున్నాయి.
నూతన వధూవరులు హన్సిక సోహైల్ను వారి స్నేహితులు పల్లకిపై ఊరేగించారు. వారి చుట్టూ గ్రూప్లా ఫామ్ అయి తెగ డ్యాన్సులు చేసేశారు. వీటికి సంబంధించిన వీడియోలు సోషల్ మీడియాలో వైరల్ అవుతున్నాయి. ఈ ఫొటోలు చూసి హన్సిక పెళ్లి కూతురిగా చాలా అందంగా ఉందంటూ నెటిజన్లు కామెంట్స్ పెడుతున్నారు.