Sreeleela : టాలీవుడ్ యంగ్ బ్యూటీ శ్రీ లీల గురించి ప్రత్యేకంగా చెప్పుకోవాల్సిన పనిలేదు. రాఘవేంద్రరావు దర్శకత్వంలో వచ్చిన పెళ్లి సందడి సినిమాతో ఈ ముద్దుగుమ్మ టాలీవుడ్‌లోకి అడుగుపెట్టింది. ఈ సినిమాలో తన నటనతో మంచి మార్కులే కొట్టేసింది. ఆ తర్వాత రవితేజతో ‘ధమాకా’ సినిమాతో బ్లాక్‌బస్టర్‌ ఆఫర్లు అందుకుని క్రేజీ బ్యూటీగా మారిపోయింది. స్టార్ హీరోలతో ఆమెకు వరుసగా సినిమా ఆఫర్లు వస్తున్నాయి. ఇటీవల ఆమె నటించిన అన్ని సినిమాలు వరుసగా ఫ్లాప్ అయ్యాయి.
రామ్ పోతినేని.. స్కంద, వైష్ణవ్ తేజ్.. ఆదికేశవ, నితిన్.. ఎక్స్ ట్రార్డినరీ మ్యాన్ మూడు సినిమాలు థియేటర్లలో విడుదలై ఫ్లాప్ టాక్ తెచ్చుకున్నాయి. వీటన్నింటిలో శ్రీ లీల కథానాయికగా నటించింది. ప్రస్తుతం శ్రీ లీల కూడా మహేష్ నటిస్తున్న గుంటూరు కారం సినిమాలో మెయిన్ హీరోయిన్ గా నటించింది. రీసెంట్ గా విడుదలైన ఈ సినిమా మిక్స్‌డ్ టాక్ సొంతం చేసుకుంది. దీంతో మహేష్ బాబు అభిమానులు శ్రీలీల పై ఫైర్ అవుతున్నారు.
శ్రీలీల తెలుగు ఇండస్ట్రీకి పట్టిన దరిద్రం అన్నారు. గుంటూరు కారం సినిమా ఫ్లాప్ అవ్వడానికి కారణం ఆమెనే అంటూ ఫైర్ అవుతున్నారు. వేరే హీరోయిన్ ని పెట్టి ఉంటే గుంటూరు కారం మరింత హైప్ వచ్చేది.. అంటూ శ్రీ లీల పై నెగిటివ్ కామెంట్స్ వస్తున్నాయి. శ్రీలీలా నటించిన సినిమాలన్నీ వరుసగా ఫ్లాప్ అవడంతో ఆమెకు సినిమా అవకాశాలు కూడా తగ్గే ఛాన్స్ ఉంది.