Bigg Boss Telugu : ప్రస్తుతం స్టార్ మా ఛానల్ లో ప్రసారం అవుతున్న తెలుగు బిగ్ బాస్ షో కి ఎంతటి ఆదరణ లభిస్తుందో మనమంతా చూస్తూనే ఉన్నాం. ఇప్పటి వరకు ప్రసారమైన అన్నీ సీజన్స్ లో, సీజన్ 7 ది బెస్ట్ అని అందరూ అంటున్నారు. నిన్న గాక మొన్న ప్రారంభం అయ్యినట్టు అనిపిస్తున్న ఈ సీజన్ అప్పుడే 11 వారాలు పూర్తి చేసుకుంది.
ఇదంతా పక్కన పెడితే, ఈ సీజన్ లో 5 వారాల తర్వాత 5 మంది కొత్త కంటెస్టెంట్స్ ని హౌస్ లోకి వైల్డ్ కార్డు ఎంట్రీ ద్వారా పంపించిన సంగతి అందరికీ తెలిసిందే. వీరిలో ప్రస్తుతం ఇద్దరు మిగిలారు. ఇదే ప్యాట్రన్ ని హిందీ బిగ్ బాస్ లో కూడా అనుసరించబోతున్నారు అట. ఇప్పటి వరకు 16 సీజోన్లు దిగ్విజయం గా పూర్తి చేసుకున్న హిందీ బిగ్ బాస్ కి సల్మాన్ ఖాన్ వ్యాఖ్యాతగా వ్యవహరిస్తున్న సంగతి అందరికీ తెలిసిందే.
ఇప్పుడు 17 వ సీజన్ నడుస్తుంది అట. గత రెండు వారల నుండి ఎలిమినేషన్స్ చెయ్యని బిగ్ బాస్ ఈసారి ఏకంగా 5 మంది కంటెస్టెంట్స్ ని ఒకేసారి ఎలిమినేట్ చేయబోతున్నారట. బిగ్ బాస్ చరిత్రలోనే మొట్టమొదటిసారి ఇలా ఇంతమందిని ఎలిమినేట్ చెయ్యడం జరుగుతుంది. అయితే 5 మంది కంటెస్టెంట్స్ ని ఎలిమినేట్ చెయ్యగానే కొత్తగా మరో 5 మంది కంటెస్టెంట్స్ ని వైల్డ్ కార్డు ఎంట్రీ ద్వారా లోపలకు పంపబోతున్నారట.
మన తెలుగు బిగ్ బాస్ లో ‘ఉల్టా పల్టా’ క్యాప్షన్ బాగా ఫేమస్ అయ్యింది. కానీ అసలు సిసలు ‘ఉల్టా పల్టా’ అంటే ఇది కదా అని సోషల్ మీడియా లో నెటిజెన్స్ కామెంట్స్ చేస్తున్నారు. ఈ ఆలోచన ఎదో చాలా బాగుంది, తదుపరి సీజన్ లో మనం కూడా అనుసరిద్దాం అని తెలుగు బిగ్ బాస్ నిర్వాహకులు కూడా అనుకుంటున్నారట.