తెలుగు హీరోయిన్ డింపుల్ హయతి సోషల్ మీడియాలో తెగ ట్రెండ్ అవుతుంది. కారణం తన బాయ్ ఫ్రెండ్ డేవిడ్ తో కలిసి ఓ ఐపీఎస్ అధికారి కారుని కాలుతో తన్ని తన కారుతో ఢీ కొట్టడమే. జూబ్లీహిల్స్ లోని జర్నలిస్ట్ కాలనీలో ఒకే అపార్ట్మెంట్ లో ఉంటున్న డింపుల్ కి రాహుల్ హెగ్డే అనే ఐపీఎస్ అధికారికి మధ్యలో కారు పార్కింగ్ గొడవ ఇప్పుడు జూబ్లీహిల్స్ పోలీసు స్టేషన్ లో ఉంది.
రాహుల్ డ్రైవర్ డింపుల్ పై కేసు పట్టడం.. అందులో నాదేమీ తప్పు లేదు, అధికారం ఉంది కదా అని ఏది బడితే అది చేస్తే ఒప్పైపోదు, సత్యమేవజయతే అంటూ డింపుల్ సోషల్ మీడియాలో ట్వీట్స్ చెయ్యడం, డింపుల్ లాయర్ మా మేడం ది తప్పేమి లేదు అంటూ మీడియా మీట్ లో చెప్పడం అబ్బో ఈవ్యవహారం ఇప్పుడు మీడియాలో హాట్ టాపిక్ గా నిలిచింది. అయితే డింఫుల్ హయతి మాత్రం నేను డీసీపీని ఎప్పుడూ ఇబ్బందిపెట్టలేదు.. పబ్లిక్‌ ప్రాపర్టీని తీసుకొచ్చి ప్రైవేట్‌ ప్రాపర్టీలో పెట్టారు అంటూ ఆరోపిస్తుంది.
ఇపుడు పోలీస్ కేసు పుణ్యమా అని ఈవిడ బాయ్ ఫ్రెండ్ విషయం బయటపడింది. డింపుల్ హయతి జూబిలీ హిల్స్ లోని ఒక అపార్ట్ మెంట్ లో రెంట్ కి ఉంటోంది. ఆమెతో ఆమె బాయ్ ఫ్రెండ్ విక్టర్ డేవిడ్ కూడా కలిసే ఉంటున్నాడు అనే విషయం బయటికొచ్చింది ఇప్పుడు.ప్రియా భవాని శంకర్, పాయల్ రాజ్ పుత్ వంటి వారు తమ బాయ్ ఫ్రెండ్స్ ని సెట్స్ కి కూడా తీసుకొస్తారు. ఇక హీరోయిన్ డింపుల్ హయతి కూడా చాలా కాలంగా తన బాయ్ ఫ్రెండ్ తో సహజీవనం చేస్తోంది. కాకపోతే, ఆ విషయాన్ని ఆమె దాచింది.