Danush : కోలీవుడ్ హీరో ధనుష్ అందరికీ సుపరిచితమే. ఇటీవల ఆయన పలు కారణాలతో నిత్యం వార్తల్లో నిలుస్తున్నాడు. ఇప్పుడు ఏకంగా కోటి రూపాయల చెక్ ప్రముఖ నటుడు కార్తీకి ఇచ్చి మళ్లీ వార్తల్లోకి ఎక్కారు. ఏంటి? ధనుష్ ఇంత భారీ మొత్తం కార్తీకి ఎందుకు ఇచ్చాడని అనుకుంటున్నారా? ఈ డబ్బంతా సినీ కళాకారుల కోసం! అవును, నడిగర్ సంఘం నూతన భవన నిర్మాణానికి ధనుష్ రూ. కోటిను విరాళంగా ఇచ్చారు. ఈ సందర్భంగా ఆయనకు నడిగర్ సంఘం ప్రత్యేక కృతజ్ఞతలు చెప్పింది. ధనుష్ చాలా ఏళ్లుగా సినీ ఇండస్ట్రీలో స్టార్ నటుడిగా పాపులారిటీ సంపాదించుకున్నాడు. ఒక్కో సినిమాకు కొన్ని కోట్ల రూపాయల రెమ్యునరేషన్ తీసుకుంటున్నాడు.
తను సామాజిక సేవ చేయడంలోనూ ముందుంటాడు. అందుకు నిదర్శనంగా ఇప్పుడు కోటి రూపాయల విరాళం ఇచ్చాడు. దీనికి సంబంధించిన చెక్ ను కార్తీకి అందించాడు. ప్రస్తుతం వీరిద్దరి కలిసి దిగిన ఫొటో సామాజిక మాధ్యమాల్లో వైరల్ అవుతోంది. ధనుష్ చేసిన పనిని అభిమానులు, సెలబ్రిటీలు ప్రశంసిస్తున్నారు. ధనుష్ ఇటీవల ‘కెప్టెన్ మిల్లర్’ సినిమాతో ప్రేక్షకుల ముందుకు వచ్చాడు. గత ఏడాది విడుదలై ఈ సినిమా యావరేజ్ గా నిలిచిన విషయం తెలిసిందే. ప్రస్తుతం తాను ‘కుబేర’ లో నటిస్తున్నాడు. శేఖర్ కమ్ముల దర్శకత్వం వహిస్తున్న ఈ మూవీలో రష్మిక మందన్న హీరోయిన్‌గా నటిస్తోంది. ఈ సినిమా పాన్ ఇండియా స్థాయిలో రిలీజ్ కానుంది. దీంతో పాటు ధనుష్ ‘రేయాన్’ చిత్రంలో కూడా ప్రధాన పాత్రలో నటిస్తున్నారు. కాగా గతంలో కమల్ హాసన్, దళపతి విజయ్ కూడా కళాకారుల సంఘానికి కోటి రూపాయల విరాళం అందించిన విషయం తెలిసినదే.
South Indian Artistes’ Association member – Actor Dhanush donated a sum of rupees 1,00,00,000/- (1Crore) from his personal fund towards the construction of New Nadigar Sangam Building. He presented the cheque to SIAA President Thiru. Nassar, Treasurer Thiru. Karthi, and… pic.twitter.com/IO4qHZWxUj
— Ramesh Bala (@rameshlaus) May 13, 2024