Devara : #RRR వంటి గ్లోబల్ బ్లాక్ బస్టర్ తర్వాత యంగ్ టైగర్ ఎన్టీఆర్ కొరటాల శివ తో ‘దేవర’ అనే చిత్రం చేస్తున్న సంగతి తెలిసిందే. ఈ సినిమా షూటింగ్ కేవలం రెండు పాటలు , కొన్ని కీలక సన్నివేశాలు మినహాయిస్తే దాదాపుగా పూర్తి అయ్యింది అని అంటున్నారు మేకర్స్. అన్నీ అనుకున్నట్టు జరిగి ఉంటే ఈ సినిమా ఈ ఏడాది ఏప్రిల్ 5 వ తారీఖున గ్రాండ్ గా విడుదలయ్యేది.
కానీ వీఎఫ్ఎక్స్ మీద భారీగా ఆధారపడిన సినిమా కావడం తో పెండింగ్ లో చాలా వర్క్ ఉంది. అది అనుకున్న సమయానికి పూర్తి అయ్యే అవకాశం లేకపోవడం తో ఏప్రిల్ 5 వ తారీఖు నుండి పక్కకి జరిగింది. ఇప్పుడు ఈ సినిమా స్థానం లో విజయ్ దేవరకొండ ‘ఫ్యామిలీ స్టార్’ చిత్రం విడుదల కాబోతుంది. ఇది ఇలా ఉండగా ఇప్పుడు ‘దేవర’ చిత్రాన్ని ఏ తేదీలో విడుదల చెయ్యాలో తెలియక మేకర్స్ జుట్టు పీక్కుంటున్నారు.
టాలీవుడ్ లో బెస్ట్ డేట్స్ అన్నీ పాన్ ఇండియన్ చిత్రాలు లాక్ చేసేసుకున్నాయి. స్టైలిష్ స్టార్ అల్లు అర్జున్ ‘పుష్ప ది రూల్’ చిత్రం ఆగష్టు 15 వ తారీఖున విడుదల కాబోతుంది. ఇక ఆ తర్వాత పక్క నెలలోనే సెప్టెంబర్ 27 వ తారీఖున పవన్ కళ్యాణ్ ‘ఓజీ’ చిత్రం విడుదల కాబోతుంది. ఇలా బెస్ట్ డేట్స్ ని ఈ రెండు చిత్రాలు లాక్ చేసుకున్నాయి. ‘పుష్ప ది రూల్’ చిత్రం ఒకవేళ ఆగస్టు 15 న విడుదల కాకపోతే ఆ తేదీన ఎట్టిపరిస్థితి లో ‘దేవర’ చిత్రాన్ని విడుదల చెయ్యాలని చూస్తున్నారట మేకర్స్.
ఒకవేళ ఆ తేదీ మిస్ అయితే అక్టోబర్ 11 వ తారీఖున దసరా సందర్భంగా విడుదల చెయ్యాలని చూస్తున్నారట. అయితే ఈ సినిమాతో పాటు రామ్ చరణ్ ‘గేమ్ చేంజర్’ చిత్రం కూడా విడుదల కావాల్సి ఉంది. ఈ సినిమాని కూడా అక్టోబర్ 11 న విడుదల చెయ్యాలని చూస్తున్నారట మేకర్స్. ఒకవేళ దేవర టీం ఆ డేట్ లో రావాలనుకుంటే ముందుగా అధికారిక ప్రకటన చేస్తే మంచిది, లేకపోతే ఈ ఏడాది ‘దేవర’ విడుదల అవ్వడం కష్టమే అని అంటున్నారు ట్రేడ్ పండితులు.
