కొత్త జీవితం ప్రారంభించిన నిహారిక.. అభినందిస్తున్న అభిమానులు

మెగా డాటర్ నిహారిక కొణిదెల (Niharika Konidela) సిల్వర్ స్క్రీన్ కంటే ముందు బుల్లితెర పై ఎంట్రీ ఇచ్చింది. అందరి స్టార్స్ కూతుళ్లులా హీరోయిన్ గా కాకుండా, ప్రముఖ డాన్స్ షోకి హోస్ట్ గా చేస్తూ ఆడియన్స్ ముందుకు వచ్చింది. ఆ తరువాత నిర్మాతగా, నటిగా ఒకేసారి బాధ్యతలు తీసుకోని పింక్ ఎలిఫెంట్ పిక్చర్స్ అనే ప్రొడక్షన్ హౌస్ స్టార్ట్ చేసి ‘ముద్దపప్పు ఆవకాయ్’ అనే వెబ్ సిరీస్ తో ఆడియన్స్ ముందుకు వచ్చింది. ఇక 2016 నాగశౌర్య హీరోగా తెరకెక్కిన ‘ఒక మనసు’ సినిమాలో హీరోయిన్ గా సిల్వర్ స్క్రీన్ పై డెబ్యూట్ ఇచ్చింది.

ఈ సినిమా తరువాత తెలుగు, తమిళ భాషల్లో కలిపి మెయిన్ లీడ్ లో మూడు సినిమాలో నటించింది. చిరంజీవి (Chiranjeevi) ‘సైరా’ మూవీలో ఒక చిన్న పాత్రలో నటించింది. ప్రస్తుతం పూర్తిగా వెబ్ సిరీస్ పైనే నిహారిక ద్రుష్టి పెట్టింది. ఒక చిన్న ఫ్యామిలీ స్టోరీ (Oka Chinna Family Story), హలో వరల్డ్ (Hello World) సిరీస్‌కి.. ప్రొడ్యూసర్ గా వ్యవహరించి మంచి విజయాల్ని అందుకుంది. తాజాగా మరో వెబ్ సిరీస్ తో ఆడియన్స్ ముందుకు రాబోతుంది. ఈసారి మెయిన్ లీడ్ లో యాక్ట్ చేస్తూ కనిపించబోతుంది. తాజాగా దానికి సంబంధించిన టీజర్ ను విడుదల చేశారు. దీంతో అందరూ నిహారికను అభినందిస్తున్నారు.

వివాహానంతరం నిహారిక కొణిదెల (Niharika konidela) ‘డెడ్‌ పిక్సెల్స్‌’ (Dead Pixels) వెబ్‌ సిరీస్‌తో నటిగా రీ ఎంట్రీ ఇస్తున్నారు. వైవా హర్ష, అక్షయ్‌ లింగుస్వామి, సాయి రోణక్‌ తదితరులు ప్రధాన పాత్రలు కీలక పాత్రలు పోషిస్తున్నారు. ఆదిత్య మండల దర్శకత్వం వహిస్తున్న ఈ సిరీస్‌ ఓటీటీ ‘డిస్నీ+ హాట్‌స్టార్‌’ (Disney+ Hotstar)లో ఈ నెల 19న ప్రేక్షకుల ముందుకు రానుంది. ఈ సందర్భంగా సోమవారం టీజర్‌ను దర్శక, నిర్మాతలు విడుదల చేశారు. వీడియో గేమ్‌లకు యువత ఎంతగా ప్రభావితమవుతుందో ఈ సిరీస్‌లో చూపించబోతున్నట్టు టీజర్‌ చూస్తే అర్థమవుతోంది.