Salaar : యంగ్ రెబల్ స్టార్ ప్రభాస్, క్రేజీ డైరెక్టర్ ప్రశాంత్ నీల్ కాంబోలో వస్తున్న మూవీ సలార్. ఈ మూవీ ఇప్పటికే చాలా సార్లు వాయిదా పడింది. ఇటీవలే విడుదలైన టీజర్ కి వచ్చిన రెస్పాన్స్ అంతా ఇంతా కాదు. ప్రభాస్ ని డైనోసర్ తో పోలుస్తూ క్రేజీ ఎలివేషన్స్ ఇచ్చాడు డైరెక్టర్. మరోవైపు క్రిస్మస్ కానుకగా డిసెంబర్ 22న ఈ మూవీని విడుదల చేస్తున్నట్లు కొత్త రిలీజ్ డేట్ కూడా అనౌన్స్ చేశారు.
రిలీజ్ టైమ్ దగ్గర పడుతుండడంతో ఫ్యాన్స్ లో సలార్ మానియా పెరుగుతోంది. మాస్ లుక్ లో ప్రభాస్ ని చూసేందుకు ఫ్యాన్స్ ఈగర్ గా వెయిట్ చేస్తున్నారు. మరోసారి మూవీ వాయిదా పడుతుందా అని అనుమానించారు మూవీ లవర్స్. ఈ డౌట్లన్నింటికీ చెక్ పెడుతూ ప్రభాస్ ఫ్యాన్స్ కి క్రేజీ అప్ డేట్ ఇచ్చింది సలార్ మూవీ టీం.
ఇక డౌటే లేదు.. సలార్ టెరిటరీ లోకి డైనోసార్ దిగిపోతున్నాడు. తాజాగా ట్రైలర్ అప్డేట్ తో అనుమానాలన్నీ తీర్చేశారు. సలార్ ట్రైలర్ ని డిసెంబర్ 1న సాయంత్రం 7.19 గంటలకు రిలీజ్ చేస్తున్నట్లు అఫీషియల్ అనౌన్స్ మెంట్ వచ్చింది. దీంతో ఫ్యాన్స్ ఫుల్ ఖుషీలో ఉన్నారు. సోషల్ మీడియాలో సలార్ హీట్ పెరిగి.. ట్రెండింగ్ గా మారింది.
పవర్ ఫుల్ పోస్టర్ తో ట్రైలర్ రిలీజ్ అనౌన్స్ మెంట్ చేసింది సలార్ మూవీ టీం. జిప్సీ పైకి ఎక్కిన ప్రభాస్ పవర్ ఫుల్ గన్ తో విలన్స్ తో ఫైట్ చేస్తున్న పోస్టర్ అది. ఇందులో ప్రభాస్ మాస్ లుక్స్ కి అభిమానులు ఫిదా అవ్వాల్సిందే. సలార్ మూవీని ప్రశాంత్ నీల్ రెండు భాగాలుగా తెరకెక్కిస్తున్నారు. మొదటి భాగం సలార్ కేస్ ఫైర్ గా రిలీజ్ అవుతోంది.