Chiyaan Vikram : ఈ ఏడాది మోస్ట్ అవైటెడ్ చిత్రాల్లో క‌ల్కి, గేమ్ ఛేంజర్ ల‌తో పాటు తమిళం నుంచి చియాన్ విక్రమ్ తంగలాన్, సూర్య కంగువ కూడా ఉన్నాయి. ముఖ్యంగా విక్రమ్ తంగలాన్ సినిమా మొదటి నుంచి ప్రేక్షకుల్లో ఆసక్తి రేకెత్తిస్తోంది. ఈ సినిమా కోసం విక్రమ్ చాలా కష్టపడ్డాడు. ఈ మూవీ పోస్టర్స్, గ్లింప్స్ చూస్తుంటే ఆ విషయం అర్థమవుతుంది. ఇక త్వరలోనే తంగలాన్ రిలీజ్ కానుంది. ఈ నేపథ్యంలో ఏప్రిల్ 17వ తేదీ చియాన్ విక్రమ్ పుట్టినరోజును పుర‌స్క‌రించుకుని చిత్ర‌బృందం ఒక ప్ర‌త్యేక వీడియోని షేర్ చేసింది.
ప్రస్తుతం ఈ వీడియో బాగా వైరల్ అవుతోంది. ఈ వీడియోలో విక్రమ్ తన పాత్ర తాలూకా హావ‌భావాలు, వేష‌ధార‌ణ కోసం ఎంత‌గా శ్ర‌మించారో కనిపించింది. ఈ వీడియో చూస్తే సినిమాలంటే విక్రమ్ కు ఎంత డెడికేషన్ ఉందో అర్థమైపోతుంది. విక్రమ్ లుక్, లాంగ్వజ్, అట్టైర్, కాస్ట్యూమ్, మేకప్ ఇలా ప్రతి దాంట్లో వైవిధ్యం కనిపిస్తోంది. పా రంజిత్ తెరకెక్కించిన ఈ సినిమా విక్రమ్ కెరీర్ లోనే చిరస్మరణీయం కానుందనే విషయం వీడియో చూస్తే తెలుస్తోంది.
వాస్తవ సంఘటనల ఆధారంగా తెరకెక్కుతున్న ఈ చారిత్రక సాహస కథను జియో స్టూడియోస్, స్టూడియో గ్రీన్ సంస్థలు నిర్మిస్తున్నాయి. తాజాగా మేకర్స్ పోస్టు చేసిన వీడియో సోషల్ మీడియాలో వైరల్ అవుతోంది. విక్రమ్ స‌ర్ కి గ్రాండ్ ట్రిబ్యూట్ ఇది అని ద‌ర్శ‌కుడు పా రంజిత్ అన్నారు.