ఇన్ని రోజులు ఏ హీరో వాళ్ళ కూడా కానిది సూపర్ స్టార్ మహేష్ బాబు వాళ్ళ అయ్యింది. ఈమధ్య కాలం లో రీ రిలీజ్ ట్రెండ్ ఏ రేంజ్ లో కొనసాగుతుందో ప్రత్యేకించి చెప్పనక్కర్లేదు. కొత్త సినిమాల కంటే కూడా, ఈ రీ రిలీజ్ సినిమాల జోరు ఎక్కువైపోయింది. జనాలు తమ అభిమాన హీరోల బ్లాక్ బస్టర్ సినిమాలను థియేటర్స్ లో మరోసారి చూసి ఎంతగానో మురిసిపోతున్నారు. పోకిరి సినిమాతో ప్రారంభమైన ఈ ట్రెండ్ ఇప్పటికీ కొనసాగుతూనే ఉంది.
ఇప్పటి వరకు రీ రిలీజ్ అయిన సినిమాలలో అన్నిటికంటే ఎక్కువ వసూళ్లను రాబట్టిన సినిమా పవర్ స్టార్ పవన్ కళ్యాణ్ ‘ఖుషి’. ఈ సినిమా గత ఏడాది డిసెంబర్ 31 వ తారీఖున విడుదలై ఆల్ టైం రికార్డు ని నెలకొల్పింది. మొదటి రోజు నాలుగు కోట్ల 20 లక్షల రూపాయిల గ్రాస్ ని రాబట్టిన ఈ చిత్రం, ఫుల్ రన్ లో 7 కోట్ల 80 లక్షల రూపాయిల గ్రాస్ ని రాబట్టింది.
ఈ సినిమా రికార్డుని కొల్లగొట్టడానికి చాలా సినిమాలు ప్రయత్నం చేసాయి కానీ, ఒక్క సినిమా కూడా దగ్గర్లోకి రాలేకపోయింది. దీంతో ఖుషి రికార్డుని ఇక ఎవ్వరూ కొట్టలేరేమో అని అనుకున్నారు. కానీ నిన్న మహేష్ బాబు పుట్టినరోజు సందర్భంగా ఆయన కెరీర్ లో బ్లాక్ బస్టర్ హిట్ గా నిల్చిన ‘బిజినెస్ మేన్’ చిత్రాన్ని గ్రాండ్ గా రీ రిలీజ్ చేసారు. ఈ చిత్రం కి అద్భుతమైన రెస్పాన్స్ వచ్చింది.
స్టార్ హీరో కొత్త సినిమా విడుదలైతే ఎలాంటి హుంగామ ఉంటుందో, ఈ రీ రిలీజ్ కి అంత హుంగామా ఉండింది. రెండు తెలుగు రాష్ట్రాల్లో థియేటర్స్ బయట ఎక్కడ చూసిన మహేష్ బాబు అభిమానుల కోలాహలమే కనిపించింది. అలా పక్క ప్లానింగ్ తో భారీ లెవెల్ లో విడుదలైన ఈ సినిమా మొదటి రోజు దుమ్ము లేపేసింది. ట్రేడ్ పండితుల సమాచారం ప్రకారం, ఈ చిత్రం మొదటి రోజు 5 కోట్ల రూపాయిల గ్రాస్ ని రాబట్టింది.
