Bigg Boss Sohel : బిగ్ బాస్ రియాలిటీ షో ద్వారా కోట్లాది మంది తెలుగు ప్రేక్షకులకు బాగా దగ్గరైన కంటెస్టెంట్స్ లో ఒకరు సోహెల్. ఈ షో చూసిన ప్రతీ ఒక్కరికి సోహెల్ మన పక్కంటి కుర్రాడి లాగ అనిపించాడు. కచ్చితంగా తనని ఆదరిస్తారు అనే నమ్మకంతో ఆయన సినిమాలు కూడా చేసాడు. కానీ ఇప్పటి వరకు ఒక్క సక్సెస్ కూడా రాలేదు. బిగ్ బాస్ హౌస్ లోకి అడుగుపెట్టకముందు సోహెల్ రెండు మూడు సినిమాల్లో హీరోగా చేసాడు.
అప్పట్లో ఆయన సినిమాలు ఎలా అయితే బాక్స్ ఆఫీస్ వద్ద పల్టీలు కొట్టాయో, ఇప్పుడు కూడా ఆయన పరిస్థితి అలాగే తయారైంది. సినిమాలు వరుసగా ఫ్లాప్ అవుతున్నా కూడా ఇంకా ఆయన విశ్వాసం కోల్పోకుండా సినిమాలు చేస్తూనే ఉన్నాడు. రీసెంట్ గా ఆయన ‘బూట్ కట్ బాలరాజు’ అనే చిత్రం చేసాడు. ఈ సినిమా నిన్న ప్రపంచవ్యాప్తంగా గ్రాండ్ గా విడుదలై పాజిటివ్ టాక్ ని తెచ్చుకుంది.
టాక్ అయితే పాజిటివ్ గా వచ్చింది కానీ, ఈ సినిమాకి కనీసం థియేటర్స్ కరెంటు ఖర్చులకు సరిపోయే రేంజ్ వసూళ్లను కూడా రాబట్టడం లేదు. ఈ విషయం పై సోహెల్ నిన్న మీడియా తో మాట్లాడుతూ బోరుమని విలపించాడు. ఆయన మాట్లాడుతూ ‘ఒకపక్క సినిమా బాగుంది అని పాజిటివ్ టాక్ వచ్చినందుకు ఆనందపడాలో, మరోపక్క కలెక్షన్స్ లేవని బాధపడాలో అర్థం కావడం లేదు. ఇందాకే నాకు ఒక మెసేజి వచ్చింది. సినిమా చూద్దాం అని నలుగురు స్నేహితులతో కలిసి థియేటర్ కి వస్తే షో వెయ్యం అన్నారు, ఎందుకంటే థియేటర్ లో కనీసం 30 మంది ఉండాలి అట, అలా షోస్ క్యాన్సిల్ అయిపోతున్న ప్రాంతాలు చాలానే ఉన్నాయి. 5 కోట్లు పెట్టి తీసిన సినిమా షోస్ క్యాన్సిల్ అవ్వడం ఏంటన్నా, కుటుంబ సభ్యులు మొత్తం సంపూర్ణంగా ఎంజాయ్ చేసే సినిమాని తీసాను, ఎంతసేపు ముద్దులు పెట్టుకునే సినిమాలను కాదు, ఇలాంటి చిత్రాలను కూడా ఆదరించాడు. బిగ్ బాస్ లో ఉన్నప్పుడు సోహెల్ సోహెల్ అని వేల కామెంట్స్ పెట్టారు. ఏమయ్యారు ఇప్పుడు, దయచేసి నా సినిమా చూడండి’ అంటూ ప్రాధేయపడ్డాడు.
