Big Boss : ప్రస్తుతం స్టార్ మా ఛానల్ లో ప్రసారం అవుతున్న బిగ్ బాస్ సీజన్ 7 ఎంత రసవత్తరంగా సాగుతూ ముందుకు దూసుకెళ్తుందో మనమంతా చూస్తూనే ఉన్నాం. బిగ్ బాస్ ఇస్తున్న టాస్కులు, దానిని కంటెస్టెంట్స్ ఆడుతున్న తీరు ఇలా ప్రతీ ఒక్కటి ప్రేక్షకులకు బాగా నచ్చింది. అందుకే ముందు సీజన్ తో పోలిస్తే ఈ సీజన్ కి మూడు రెట్లు ఎక్కువ రేటింగ్స్ వచ్చాయి.
స్టార్ మా ఛానల్ ని మరోసారి నెంబర్ 1 స్థానం లో నిలిపింది. అయితే ఈ సీజన్ మొత్తం ‘ఉల్టా పల్టా’ అని అక్కినేని నాగార్జున మొదటి నుండి చెప్తూనే ఉన్నాడు. అంటే మనం ఊహించని సంఘటనలన్నీ ఈ సీజన్ లో చోటు చేసుకోబోతున్నాయి. అందులో ఒకటి ఈ ఆదివారం జరగబోయే బిగ్ బాస్ సీజన్ 7 మినీ లాంచ్. అంటే బిగ్ బాస్ హౌస్ లోకి వైల్డ్ కార్డు ఎంట్రీ ద్వారా 7 మంది కంటెస్టెంట్స్ రాబోతున్నారు అన్నమాట.
ఈ వైల్డ్ కార్డు ఎంట్రీ ద్వారా బిగ్ బాస్ హౌస్ లోకి రాబోతున్నది అర్జున్ అంబటి, పూజ మూర్తి, భోలే షావళి, నాయని పావని, అంజలి పవన్ వంటి కంటెస్టెంట్స్ పేర్లు బలంగా వినిపించాయి. అయితే ఇప్పుడు లేటెస్ట్ గా ఈ ఆదివారం ప్రసారం అవ్వబోయే ఎపిసోడ్ కి సంబంధించిన ప్రోమో లో బిగ్ బాస్ సీజన్ 5 కంటెస్టెంట్స్ శ్వేతా మరియు హమీద కూడా డ్యాన్స్ వేస్తూ కనిపించారు.
అంటే వాళ్ళు కూడా ఈ సీజన్ లో వైల్డ్ కార్డు ఎంట్రీ ద్వారా హౌస్ లోకి అడుగుపెట్టబోతున్నారా అనే సందేహాలు మొదలయ్యాయి. అయితే కొంత మంది నెటిజెన్స్ మాత్రం బిగ్ బాస్ మినీ లాంచ్ ఈవెంట్ కదా, స్పెషల్ డ్యాన్స్ పెర్ఫార్మన్స్ ఇవ్వడానికి వచ్చి ఉంటారు అని అంటున్నారు. స్పెషల్ డ్యాన్స్ పెర్ఫార్మన్స్ ఉంటే హీరోయిన్స్ తో చేయిస్తారు కానీ, పాత కంటెస్టెంట్స్ తో ఎందుకు చేయిస్తారు అని మరికొంతమంది అంటున్నారు. ఇందులో ఏది నిజం అనేది తెలియాలంటే ఆదివారం వరకు ఆగాల్సిందే.
