Bigg Boss Kaushal : తెలుగు బిగ్ బాస్ షో ద్వారా ఒక స్టార్ హీరో కి ఉన్నంత క్రేజ్ మరియు ఫాలోయింగ్ ని సంపాదించిన కంటెస్టెంట్స్ లిస్ట్ తీస్తే అందులో కౌశల్ నెంబర్ 1 స్థానం లో ఉంటాడు. బిగ్ బాస్ సీజన్ 2 లో వచ్చిన కౌశల్ టైటిల్ విన్నర్ గా నిల్చిన సంగతి మన అందరికీ తెలిసిందే. హౌస్ లో ఉన్నన్ని రోజులు ఇతన్ని హౌస్ మేట్స్ టార్గెట్ చేసి మాట్లాడడం వల్ల కౌశల్ హీరో గా నిలిచాడు.
వాళ్లందరినీ ఒక్కడే ఎదుర్కొని అందరికీ సమాధానం చెప్పేవాడు. ఇక గేమ్స్ విషయానికి వస్తే ప్రతీ టాస్కు ని ఒక యుద్ధం లాగ చేసేవాడు. ఆయన గేమ్ తీరుని చూసి అప్పట్లో ఫ్యాన్స్ ర్యాలీలు , పాలాభిషేకాలు కూడా చేసేవారు. అంతటి ఫాలోయింగ్ ఇప్పటి వరకు ఏ బిగ్ బాస్ కంటెస్టెంట్ కూడా దక్కించుకోలేదు అనే చెప్పాలి.
బిగ్ బాస్ నుండి బయటకి వచ్చిన తర్వాత కౌశల్ రేంజ్ వేరే లెవెల్ లో ఉంటుంది, మంచి సినిమా అవకాశాలను సంపాదించుంటాడు అని అందరూ అనుకున్నారు. కానీ ఇప్పటి వరకు ఆయన ఒక్క సినిమాలో కూడా కనిపించలేదు. సీరియల్స్ కూడా దొరకలేదు. కేవలం కొన్ని షోస్ కి మాత్రమే పరిమితం అయ్యాడు.
కానీ రీసెంట్ గా ఇచ్చిన ఒక ఇంటర్వ్యూ లో మాత్రం ఆయన చాలా సినిమాలు ఒప్పుకున్నాను అని, రీసెంట్ గానే 250 కోట్ల రూపాయిల భారీ బడ్జెట్ సినిమా లో హీరో గా చేస్తున్నాను అని, అందులో సౌత్ స్టార్స్ అందరూ నటిస్తారు అని చెప్పుకొచ్చాడు. కౌశల్ ని పెట్టి అంత పెద్ద సినిమా ఎవరు తీస్తున్నారు అని అందరూ ఆలోచించారు. కావాలని హైప్ కోసం ఇలా చెప్తున్నాడా, లేదా నిజంగానే ఇతన్ని పెట్టి అంత పెద్ద సినిమా తీస్తున్నారా అనేది తెలియాల్సి ఉంది.