Brahmaji : కొందరు కమెడియన్స్‌కు ఇతరుల నవ్వించే గుణం చాలా నేచురల్‌గా వచ్చేస్తుంది. టాలీవుడ్‌లోని అలాంటి కమెడియన్స్‌లో బ్రహ్మాజీ కూడా ఒకరు. ఆయన కమెడియన్‌గా నవ్వించడం మాత్రమే కాదు.. సీరియస్ పాత్రలతో ఏడిపించారు కూడా. కానీ బయట మాత్రం బ్రహ్మాజీ చాలా సరదాగా ఉంటారు.
ఇతరులపై పంచులు వేయడంలో ఆయనకు ఆయనే సాటి అనిపించుకుంటూ ఉంటారు. తాజాగా నవీన్ పోలిశెట్టిపై కూడా అలాంటి ఒక పంచ్ వేశారు బ్రహ్మాజీ. ఆ తర్వాత వీరిద్దరి మధ్య ఒక ఫన్నీ సంభాషణే జరిగింది. ‘ఇంజనీర్స్ అసెంబుల్. అదే కదా అండి ప్రాసెస్.’ అంటూ ‘మిస్ శెట్టి మిస్టర్ పోలిశెట్టి’ నుండి ఒక వీడియోను విడుదల చేస్తూ ఆ మూవీ నెట్‌ఫ్లిక్స్‌లో విడుదల అయ్యిందని ప్రకటించాడు నవీన్ పోలిశెట్టి. ఈ ట్వీట్‌కు బ్రహ్మాజీ రిప్లై ఇచ్చారు.
‘ఈ అబ్బాయి టాలెంట్ చూస్తే నాకు భయమేస్తుంది. నేను రిటైర్ అయిపోతే బెటర్.’ అంటూ వ్యంగ్యంగా చెప్పారు బ్రహ్మాజీ. దానికి నవీన్ రిప్లై ఇచ్చాడు. ‘మీకు పవర్ ఉంది. మాకు బ్రెయిన్ ఉంది. మనిద్దరం కలిస్తే..’ అంటూ ‘జాతిరత్నాలు’ డైలాగ్‌తో కౌంటర్ ఇచ్చాడు. దానికి బ్రహ్మాజీ.. ‘అంటే నాకు..’ అని రిప్లై ఇచ్చారు. అలా కాసేపు వీరిద్దరి మధ్య ‘జాతిరత్నాలు’ సంభాషణ నడిచింది.