Balakrishna : టాలీవుడ్ ఇండస్ట్రీలో బాలకృష్ణ మాస్ డైలాగ్స్ మరియు ఫైట్స్ కి ఉన్న ఫాలోయింగ్ డిఫరెంట్ గా ఉంటుంది. బాలకృష్ణ సినిమా అంటే బాక్సాఫీస్ షేక్ అయ్యే రేంజ్ పంచ్ డైలాగ్స్ మరియు పవర్ఫుల్ ఫైట్స్ ఉండాల్సింది. గాడ్ ఆఫ్ మాస్ బాలయ్య ఫైట్ లేకుండా మూవీ ఊహించుకోవడం ఇంపాజిబుల్. మరి అలాంటిది ఒక్క ఫైట్ కూడా లేకుండా బాలకృష్ణ మూవీ సూపర్ డూపర్ హిట్ అయింది అంటే నమ్మగలరా?
అప్పుడెప్పుడో వచ్చిన సమర సింహారెడ్డి మూవీ అయినా.. రీసెంట్గా వచ్చిన వీర సింహారెడ్డి అయినా .. బాలకృష్ణ ఫైట్ లేకుండా మూవీలో సాటిస్ఫాక్షన్ రాదు. ఆ కార్ చేజింగ్, ఫ్యాక్షన్ ఫైట్, బాలకృష్ణ ట్రేడ్ మార్క్ డైలాగ్స్…ఇది లేకుండా బాలయ్య చిత్రాన్ని ఊహించుకోవడమే కష్టం. అయితే ఇదేమీ లేకుండా బాలకృష్ణ మూవీ చేశాడంటే…జోక్ అనుకుంటున్నారు కదూ…నిజం అండి బాబు…ఒక్క ఫైట్ కూడా లేకుండా స్మూత్ గా వెళ్లే పంచ్ డైలాగ్స్ తో ,ఆకట్టుకునే పాటలతో బాలకృష్ణ మూవీ ఒకటి బాక్సాఫీస్ ని బంతాట ఆడింది.
తన కెరీర్ మొత్తంలో ఒక్క ఫైట్ సీన్ కూడా లేకుండా బాలకృష్ణ నటించిన ఆ చిత్రం బ్లాక్ బస్టర్ హిట్టుగా నిలిచింది. ఆ మూవీలో సాంగ్స్ సూపర్ డూపర్ హిట్ అవ్వడమే కాకుండా ఇప్పటికీ కూడా ఎవర్ గ్రీన్ గా ఉంటాయి. అదే బాలకృష్ణ ,శోభన మరియు నిరోష జంటగా నటించిన్న ‘నారి నారి నడుమ మురారి’ మూవీ. 1990లో కోదండరామిరెడ్డి డైరెక్షన్లో వచ్చిన ఈ కుటుంబ కథ చిత్రం బ్లాక్ బస్టర్ హిట్ గా నిలిచింది
.శారదా బాలకృష్ణకు అత్త క్యారెక్టర్ లో, సత్యనారాయణ మామ క్యారెక్టర్ లో నటించిన ఈ చిత్రం అప్పటికి ..ఇప్పటికీ.. ఎప్పటికీ.. చూసేవారికి ఎక్కడ బోర్ అనిపించకుండా ఆద్యంతం ఎంటర్టైన్ చేస్తుంది. ఈ సినిమాలో ఒక్కటంటే ఒక్క ఫైట్ సీన్ కూడా ఉండదు. మరొక విశేషమేమిటంటే ఈ మూవీ షూటింగ్ మొత్తం మెగాస్టార్ చిరంజీవి గెస్ట్ హౌస్ లో జరిగింది. ఈ మూవీలో బాలకృష్ణ కామెడీ వేరే లెవెల్ లో ఎంతో ఎంటర్టైనింగ్ గా ఉంటుంది. మరి ముఖ్యంగా శారదా మరియు బాలకృష్ణ మధ్యలో జరిగే కామెడీ సీక్వెన్స్ కడుపుబ్బ నవ్విస్తుంది.