Hanuman Movie : భారీ అంచనాల నడుమ విడుదలైన ‘హనుమాన్’ చిత్రానికి నిన్న పైడ్ ప్రీమియర్ షోస్ నుండే అద్భుతమైన పాజిటివ్ టాక్ వచ్చింది. ఇక నేడు విడుదల రోజు అయితే ప్రతీ షో కి టాక్ పెరుగుతూ బంపర్ ఓపెనింగ్స్ ని దక్కించుకుంది. విచిత్రం ఏమిటంటే ఈ సినిమాతో పాటుగా మహేష్ బాబు ‘గుంటూరు కారం’ చిత్రం విడుదలైంది.
అంత పెద్ద సూపర్ స్టార్ సినిమా విడుదల అవుతున్న రోజు మీ సినిమాని విడుదల చేసుకోవడం అవసరమా, ఆ సినిమా ఎఫెక్ట్ మీ చిత్రం పై భారీగా పడుతుంది. ఫలితంగా మీ సినిమాకి వచ్చే వసూళ్లు కూడా రావు అంటూ విడుదలకు ముందు చాలా మంది ఇండస్ట్రీ పెద్దలు హనుమాన్ మేకర్స్ ని భయపెట్టారు. కానీ కథ అడ్డం తిరిగింది, ‘గుంటూరు కారం’ టాక్ ఏంటో మన అందరికీ తెలిసిందే. ఇప్పుడు హనుమాన్ సినిమాకి టికెట్స్ దొరకని వాళ్ళు గుంటూరు కారం కి వెళ్లే పరిస్థితి వచ్చింది.
అందుకే ఇండస్ట్రీ లో ఎవ్వరినీ అంత తేలికగా తీసుకోకూడదు, కంటెంట్ ఉన్నోడిని ఎవ్వరూ ఆపలేరు అని పెద్దలు అంటూ ఉంటారు. ఇకపోతే ‘హనుమాన్’ చిత్రాన్ని ఆపేయాలి అంటూ సోషల్ మీడియా లో బాలయ్య బాబు ఫ్యాన్స్ మేకర్స్ ని డిమాండ్ చేస్తున్నారు. ఎందుకంటే ఈ సినిమాలో పవన్ కళ్యాణ్ , మహేష్ బాబు, ప్రభాస్ , అల్లు అర్జున్ మరియు బాలయ్య బాబు సినిమాల్లోని రిఫరెన్స్ సన్నివేశాలను కొన్ని తీసుకున్నారు.
బాలయ్య వంతు వచ్చినప్పుడు ‘పల్నాటి బ్రహ్మనాయుడు’ ట్రైన్ సన్నివేశం ని తీసుకొని ట్రోల్ చేసినట్టు గా అనిపించింది. థియేటర్ లో దీనికి రెస్పాన్స్ అదిరిపోయింది, కానీ బాలయ్య ఫ్యాన్స్ హర్ట్ అయ్యారు. మీకు ఆ సన్నివేశం తప్ప మరో సన్నివేశం దొరకలేదా?, వెంటనే ఈ చిత్రం నుండి ఆ సన్నివేశం తియ్యకపోతే సినిమా విడుదలను నిలిపివేస్తాం అంటూ మేకర్స్ ని ట్యాగ్ చేసి బాలయ్య ఫ్యాన్స్ హెచ్చరిస్తున్నారు.