నందమూరి బాలకృష్ణ ప్రస్తుతం వరుస సూపర్ హిట్ సినిమాలతో ఇది వరకు ఎన్నడూ లేని జోష్ తో ఉన్న సంగతి అందరికీ తెలిసిందే. ‘అఖండ’ మరియు ‘వీర సింహా రెడ్డి’ వంటి సూపర్ హిట్ సినిమాల్లో నటించిన ఆయన ఇప్పుడు అనిల్ రావిపూడి తో ‘భగవత్ కేసరి’ అనే చిత్రం లో నటిస్తున్నాడు.ఈ సినిమా షూటింగ్ హైదరాబాద్ పరిసరాల్లో క్షణం తీరిక లేకుండా జరుగుతుంది.
ఈ చిత్రం తర్వాత బాలయ్య బాబు బోయపాటి శ్రీను తో మరో సినిమా చేస్తాడని అందరూ అనుకున్నారు. ‘అఖండ 2 ‘ లేదా పొలిటికల్ నేపథ్యం ఉన్న కథ తో రాబోతున్నారని నిన్న మొన్నటి వరకు వినిపించిన టాక్. అయితే లేటెస్ట్ గా బాలయ్య కొత్త సినిమా గురించి సోషల్ మీడియా లో ప్రచారం అవుతున్న ఒక వార్త నందమూరి అభిమానులకు పూనకాలు రప్పించేలా చేస్తుంది.
ఇక అసలు విషయానికి బాలయ్య బాబు కి చెంగిస్ ఖాన్ బయోపిక్ లో నటించాలి అనేది నా జీవిత లక్ష్యం. కానీ దానికి చాలా సమయం పెట్టె ఛాన్స్ ఉందని ‘వీర సింహా రెడ్డి’ ప్రీ రిలీజ్ ఈవెంట్ లో చెప్పాడు. బాలయ్య చెప్పిన ఆ మాటలను పట్టుకొని ఒక ప్రముఖ టాలీవుడ్ స్టార్ డైరెక్టర్ చెంగిస్ ఖాన్ బయోపిక్ ని ఆధారంగా తీసుకొని కథ సిద్ధం చేసాడట. ఇటీవలే బాలయ్య బాబు ని కలిసి ఫైనల్ న్యారేషన్ ఇచ్చినట్టు ఫిలిం నగర్ లో బలంగా వినిపిస్తున్న వార్త.
ఇందుకోసం కోనేరు సత్యనారాయణ వెయ్యి కోట్ల రూపాయిల బడ్జెట్ ని పెట్టడానికి సిద్ధం గా ఉన్నట్టు తెలుస్తుంది. ఇంతకీ ఆ స్క్రిప్ట్ ని సిద్ధం చేసిన డైరెక్టర్ పేరు ఇంకా బయటకి రాలేదు కానీ, కనీవినీ ఎరుగని రీతిలో ఈ క్రేజీ ప్రాజెక్ట్ ని తెరకెక్కించబోతున్నట్టు, ప్రపంచం లో ఉన్న అన్నీ బాషలలో ఈ చిత్రాన్ని విడుదల చేయబోతున్నట్టు వార్తలు వినిపిస్తున్నాయి.