జబర్దస్త్ షో ద్వారా మంచి పాపులారిటీ ని సంపాదించుకొని, ఇండస్ట్రీ లో నేడు స్టార్ కమెడియన్స్ గా మరియు బిజీ ఆర్టిస్టులుగా కొనసాగుతున్నారు. అలా యాంకర్ రష్మీ కూడా మంచి క్రేజ్ జబర్దస్త్ షో ద్వారా మంచి క్రేజ్ సంపాదించుకుంది.ఆ క్రేజ్ తో ఆమె పలు సినిమాల్లో హీరోయిన్ గా కూడా నటించింది,వాటిల్లో ‘గుంటూరు టాకీస్’ అనే చిత్రం పెద్ద హిట్ అయ్యింది.మిగిలిన సినిమాలన్నీ ఎప్పుడు వచ్చాయో, ఎప్పుడు వెళ్ళాయో కూడా ఎవరికీ తెలియదు.
అయితే ఇన్నాళ్లు ఈమెతో పని చేసిన దర్శకులు కానీ, నిర్మాతలు కానీ ఆమెపై ఎలాంటి కంప్లైంట్స్ చెయ్యలేదు కానీ, సీనియర్ నిర్మాత బాలకి నాగలింగం మాత్రం ఈమె గురించి కొన్ని షాకింగ్ నిజాలు చెప్పాడు. అప్పట్లో ఈయన రష్మీ ని ఫిలిం ఛాంబర్ గేట్ కి కట్టేసి కొడుతానని వార్నింగ్ ఇచ్చాడంటూ సోషల్ మీడియా లో ఒక వార్త బాగా వైరల్ అయ్యింది.
అయితే ఇదే విషయాన్నీ రీసెంట్ గా జరిగిన ఒక ఇంటర్వ్యూ లో బాలాజీ నాగలింగం ని అడగగా, ఆయన దానికి సమాధానం చెప్తూ ‘అవును..ఆమెని నేను అలా బెదిరించిన విషయం వాస్తవమే, కానీ అలా ఎందుకు బెదరించాను అనేది మాత్రం ఎవరికీ తెలియదు, ఇప్పుడు చెప్తాను. అప్పట్లో నేను ‘రాణి గారి బంగ్లా’ అనే సినిమాని నిర్మించాను, ఈ సినిమాకి రష్మీ అయితే సరిగ్గా సరిపోతుందని ఆమెని సంప్రదించాము.
ఆమె నటించడానికి ఒప్పుకుంది కానీ, పారితోషికం భారీ గా అడిగింది. కానీ మేము అంత ఇచ్చుకోలేము అమ్మా..ఇది గుంటూరు టాకీస్ లాంటి సినిమా కాదు, కాస్త విభిన్నమైన కథ, ఇంత బడ్జెట్ మాత్రమే పెడుతున్నాము, నీకు ఇంత రెమ్యూనరేషన్ మాత్రమే ఇవ్వగలము అని చెప్పాను.ఆ అమ్మాయి అన్నిటికీ ఒప్పుకుంది, డేట్స్ ఇచ్చింది, మేము కూడా ఆమెకి ఇస్తామన్న రెమ్యూనరేషన్ పూర్తిగా ఇచ్చేసాము’ అంటూ చెప్పుకొచ్చాడు.
ఇంకా ఆయన మాట్లాడుతూ ‘షూటింగ్ మొత్తం పూర్తి అయ్యాక ఒక సాంగ్ బ్యాలన్స్ మరియు డబ్బింగ్ కి సంబంధించిన కొన్ని పనులు మిగిలి ఉన్నాయి.అయితే ఆ అమ్మాయి ముందుగానే మమల్ని చివర్లో బాగా ఇబ్బంది పెట్టాలని మెంటల్ గా ఫిక్స్ అయ్యింది.పాట ఒక్కటి బ్యాలన్స్ ఉంది, షెడ్యూల్ ప్లాన్ చేస్తున్నాం అని ఆమెకి చెప్తే, ఆమె వెంటనే హీరోని మార్చండి, ఆ హీరోతో నేను డ్యాన్స్ చెయ్యను అంటూ మాట్లాడింది.
షూటింగ్ మొత్తం ఆ హీరోతో చేసి , చివర్లో సాంగ్ విషయం లో హీరోని మార్చండి అనడం లో ఏమైనా అర్థం ఉందా, పిచ్చా ఈ అమ్మాయికి అనుకున్నాను. అలా ఎంతసేపు బ్రతిమిలాడినా ఆమె అదే విధంగా బెట్టు చెయ్యడం నాకు కోపం వచ్చి ఆ మాట అన్నాను. దానికి ఆ అమ్మాయి కూడా రెచ్చిపోయింది, నోటికి వచ్చినట్టు మాట్లాడి నాకు నాగబాబు తెలుసు, శ్యామ్ ప్రసాద్ రెడ్డి తెలుసు, టీవీ 9 లైవ్ లో కూర్చొని నీ పరువు మొత్తం తీస్తాను, నిన్ను రోడ్డు మీదకి లాగుతాను అంటూ చెప్పుకొచ్చింది. నేను అవేమి పట్టించుకోలేదు, ఆ తర్వాత కొన్నాళ్ళకు సమస్య సర్దుకుంది, వచ్చి సాంగ్ షూటింగ్ లో పాల్గొని పూర్తి చేసింది, ఇది జరిగిన కథ’ అంటూ బాలాజీ నాగలింగం చెప్పుకొచ్చాడు.