Avinash : జబర్దస్త్ ఫేమ్ ముక్కు అవినాష్ కొత్త కారును కొనుగోలు చేసాడు. ఈ విషయాన్నీ తన యూట్యూబ్ ఛానల్ ద్వారా అభిమానులకు తెలియజేసాడు. అయితే దీనిపై నెటిజన్లు ఆగ్రహం వ్యక్తం చేస్తున్నారు. రీసెంట్ గా తన తల్లికి ఆరోగ్యం బాగాలేదని , గుండెలో స్టంట్స్‌ వేశారని స్వయంగా యూట్యూబ్ ఛానల్‌లో వెల్లడించాడు. ఇప్పుడిప్పుడే ఆమె ఆరోగ్యం కుదుటపడుతోంది అని తెలిపాడు. ఈ సమయంలో అవినాష్ కొత్త కారు కొన్నాడు. పాత కారుకు యాక్సిడెంట్ అయిందని, అది డ్యామేజ్‌ కావడంతో దాన్ని ఎక్స్‌చేంజ్‌ చేసి కొత్త కారు కొన్నట్లు తెలిపాడు.
మహీంద్రా ఎక్స్‌యూవీ 700 కారును కొనుగోలు చేసినట్లు వెల్లడించాడు. దీని ధర దాదాపు రూ.25 లక్షల మేర ఉంటుందని తెలుస్తోంది. ఈ కారును పూజ చేయించిన వీడియోను తన యూట్యూబ్ ఛానల్ లో షేర్ చేశారు. చాలా మంది తన ఫాలోవర్స్ అతనికి శుభాకాంక్షలు తెలిపారు. మరి కొందరు మాత్రం అవినాష్ ని విమర్శిస్తున్నారు. ఓ పక్క అమ్మకు ఆరోగ్యం మంచిగా లేక బాధపడుతుంటే, కారు తీసుకోవడం అవసరమా.? అంటూ కామెంట్స్ చేస్తున్నారు. ‘మొన్న మీ అమ్మకి బాలేదని వీడియో పెట్టినావు గా అన్న.. ఆ డబ్బుతోనే ఈ కారు కొన్నావా’ అంటూ మరొక నెటిజన్ కామెంట్ చేశారు. అయితే ముక్కు అవినాష్ కి మద్దతుగా కొంతమంది కామెంట్స్ చేస్తున్నారు.
కారు యాక్సిడెంట్ అయ్యిందని చెప్పారు కదా.. దాన్ని ఎక్స్ ఛేంజ్ చేసి కొత్త కారు తీసుకుంటే తప్పేంటి? అని అవినాష్ ఫ్యాన్స్ మండిపడుతున్నారు. ఈరోజుల్లో సెలబ్రిటీలకు కారు అనేది చాలా అవసరం. ఆ మాత్రం తెలియదా అంటూ ఆగ్రహం వ్యక్తం చేస్తున్నారు. జబర్దస్త్ షో ద్వారా పాపులారిటీ తెచ్చుకున్న కమెడియన్స్ లో అవినాష్ ఒకడు. కెవ్వు కార్తీక్ తో పాటు అవినాష్ టీమ్ లీడర్ గా వ్యవహరించాడు. అగ్రిమెంట్ కి ముందే షో నుండి తప్పుకున్న అవినాష్ రూ. 10 లక్షలు మల్లెమాల సంస్థకు చెల్లించాడట. ఈ విషయాన్ని ఆయన ఓపెన్ గా చెప్పాడు. బిగ్ బాస్ షోలో రాణించిన అవినాష్ మంచి రెమ్యూనరేషన్ అందుకున్నాడు. ప్రస్తుతం స్టార్ మాలో సెటిల్ అయ్యాడు. అక్కడే పలు షోల్లో సందడి చేస్తున్నాడు. శ్రీముఖితో పాటు ఆదివారం స్టార్ మా పరివార్ లో ముక్కు అవినాష్ చేస్తున్నారు.