Allu Sneha Reddy : జాతీయ ఉత్తమ నటుడి అవార్డు విజేత అల్లు అర్జున్ ప్రస్తుతం పుష్ప 2 సినిమాతో బిజీగా ఉన్నాడు. నిజానికి అల్లు అర్జున్ మొదటి నుంచి ఎంతో అల్లరి చిల్లరగా తిరుగుతుండే వారు. అలాంటి అల్లు అర్జున్ ను పక్కా ఫ్యామిలీ మ్యాన్ లా మార్చేసింది అతని భార్య స్నేహారెడ్డి. పెళ్లి తర్వాత ఆయనలో చాలా మార్పు వచ్చింది. అదంతా తన భార్య వల్లే అని బన్నీ ఎన్నోసార్లు చెప్పుకొచ్చాడు. ఇది ఇలా ఉంటే అల్లు స్నేహ గురించి ప్రత్యేకంగా చెప్పాల్సిన అవసరం లేదు. అల్లువారి ఇంటికి కోడలిగా బాధ్యతలు నిర్వహిస్తూనే.. ఇంకోపక్క బిజినెస్ విమెన్ గా కొనసాగుతోంది. ఇక సోషల్ మీడియాలో స్నేహ నిత్యం యాక్టివ్ గా ఉంటుంది. హీరోయిన్లను సైతం తలదన్నే అందం ఆమె సొంతం. నిత్యం ఫోటోషూట్స్ తో అదరగొడుతూ ఉంటుంది. ఎప్పటినుంచో అభిమానులు స్నేహను వెండితెరపై హీరోయిన్ గా చూడాలని కోరుకుంటున్నారు.
ఇక అల్లు అర్జున్, స్నేహ ఎప్పుడు కనిపించినా.. ఇద్దరు కలిసి ఒక సినిమా చేయొచ్చు కదా అని అడుగుతూనే ఉంటారు. అయితే ఇన్నాళ్లకు వాళ్ల కోరికను తీరుస్తూ స్నేహ కెమెరా ముందుకు వచ్చింది. అయితే ప్రస్తుతం మాత్రం సినిమాలో కాదు.. ఒక యాడ్ ద్వారా ఆమె ఎంట్రీ ఇచ్చింది. కిండర్ బ్రాండ్ కు సంబంధించిన కిండర్ ఎస్ చోకో బోన్ క్రిస్పీ ప్రోడక్ట్ ను ప్రమోట్ చేస్తూ యాడ్ లో అల్లు స్నేహ కనిపించింది. పింక్ కలర్ డ్రెస్ లో స్నేహ చాలా అందంగా కనిపించింది. ఇక తన యాక్టింగ్ కూడా ఎంతో నేచురల్ గా కనిపిస్తుంది. ఇక ఈ యాడ్ ను స్నేహ తన సోషల్ మీడియా ఖాతాలో పోస్ట్ చేసింది. దీంతో అల్లు అర్జున్ ఫ్యాన్స్ అందరూ.. త్వరలో టాలీవుడ్ ఎంట్రీ కూడా ఇవ్వండి.. అంటూ కామెంట్స్ చేస్తున్నారు.