Ram Charan : మన తెలుగు సినిమా 75 వసంతాలు పూర్తి చేసుకున్న సందర్భంగా అప్పట్లో నిర్వహించిన వజ్రోత్సవ కార్యక్రమాలను మనం అంత తేలికగా మరచిపోలేము. టాలీవుడ్ లో ఉన్న స్టార్ హీరోలు మరియు కుర్ర హీరోలంతా అప్పట్లో వేదిక మీద స్కిట్లు మరియు పెర్ఫార్మన్స్ లు చేసి తెలుగు ఆడియన్స్ కి ఎప్పటికీ మర్చిపోలేని ఈవెంట్ గా మలిచారు. అంత ఆహ్లాదకరంగా సాగిన ఈ ఈవెంట్ లో చిరంజీవి మరియు మోహన్ బాబు మధ్య చిన్న వాగ్వివాదం జరిగింది.
అలా ఎమోషనల్ గా చిరంజీవి మాట్లాడుతూ గోవా ఫిలిం ఫెస్టివల్ కి వెళ్తే మన తెలుగు జాతికి సంబంధించిన నటీనటుల ఫోటోలు ఒక్కటి కూడా లేదు. మహానుభావులు ఎన్టీఆర్, ఏఎన్నార్ ఫోటోలు కూడా లేకపోవడం నా మనసుని ఎంతో బాధించింది అంటూ మెగాస్టార్ మాట్లాడిన మాటలు అప్పట్లో ప్రకంపనలు రేపింది. ఏ ఈవెంట్ లో అయితే మన తెలుగు హీరోల బొమ్మలు లేవు అని చిరంజీవి బాదపడ్డాడో, అదే ఈవెంట్ లో నేడు ఆయన తనయుడికి సంబంధించిన కటౌట్ ని ఏర్పాటు చేసారు.
పూర్తి వివరాల్లోకి వెళ్తే గోవా లో మొన్న 54 వ అంతర్జాతీయ ఫిలిం ఫెస్టివల్ జరిగింది. ప్రతీ ఏటా ఎంతో ప్రతిష్టాత్మకంగా నిర్వహించే ఈ ఈవెంట్ లో వివిధ ఇండుస్త్రీలకు సంబంధించిన నటీనటుల ఫోటోలు మరియు కటౌట్స్ ని ఏర్పాటు చేస్తారు. ఇక్కడ ఒక నటుడికి అలాంటి గౌరవం దక్కడం చాలా అరుదు. ఆ అరుదైన సంఘటన రామ్ చరణ్ విషయం లో జరిగింది.
#RRR చిత్రం లోని అల్లూరి సీతారామరాజు గెటప్ లో ఉన్న రామ్ చరణ్ ఫోటో తో ఉన్నటువంటి కటౌట్ ని ఈ ఫిలిం ఫెస్టివల్ లో ఏర్పాటు చేసారు. కేవలం రామ్ చరణ్ కటౌట్ తప్ప మరో సౌత్ స్టార్ కి సంబంధించిన కటౌట్ లేకపోవడం విశేషం. హీరోయిన్స్ లో అనుష్క కి మాత్రమే ఆ అరుదైన అవకాశం లభించింది. మెగాస్టార్ చిరంజీవి కి ఇన్నేళ్ల కెరీర్ లో దక్కని అరుదైన గౌరవం రామ్ చరణ్ కి దక్కింది అంటూ అభిమానులు సోషల్ మీడియా లో మురిసిపోతున్నారు.
#IFFI2023 #IFFI54@AlwaysRamCharan 🦁🔥 pic.twitter.com/ZQMT0Z4zUL
— Raees (@RaeesRC_) November 21, 2023