Anshu Ambani : మీకు అన్షు అంబానీ గుర్తుందా? అదేనండీ కింగ్ నాగార్జున నటించిన మన్మథుడు సినిమా హీరోయిన్.. ఓ ఇప్పుడు గుర్తొచ్చిందా.. ప్రభాస్‌ రాఘవేంద్ర మూవీలోనూ హీరోయిన్ గా నటించింది. అప్పట్లో ఈ బ్యూటీని చూసి యూత్‌ పిచ్చెక్కిపోయారు. చేసింది రెండు సినిమాలే అయినా మంచి ఫాలోయింగ్‌ను సంపాదించుకుంది. కానీ ఆ రెండు సినిమాలతోనే ఆమె సినీ ఇండస్ట్రీకి గుడ్‌ బై చెప్పేసింది. మళ్లీ ఎక్కడా కనిపించకుండా పోయింది. ఇప్పుడు మళ్లీ ఇరవై ఏండ్ల తర్వాత ఈమె మీడియా ముందుకొచ్చింది. అప్పుడు అంత సడెన్‌గా ఎందుకు సినిమాలను వదిలేయాల్సి వచ్చిందో కారణాలను కూడా వివరించింది.
సినిమా కెరీర్ పీక్స్ లో ఉన్నప్పుడే.. సచిన్ సాగర్ అనే వ్యక్తిని పెళ్లి చేసుకుని లండన్ వెళ్ళిపోయింది. అక్కడే పిల్లలు.. వర్క్ చేస్తూ బిజీగా మారింది. ఇక మన్మథుడు రీ రిలీజ్ సమయంలో అన్షు పేరు మరోమారు ట్రెండ్ అయ్యింది. దాని తరువాత ఇండియాకు వచ్చి ఒక ఇంటర్వ్యూ ఇవ్వడంతో అమ్మడి గురించి పూర్తిగా తెలిసిపోయింది. అప్పటికీ.. ఇప్పటికీ ఆమె ఆ అందాన్ని మెయింటైన్ చేస్తూనే ఉంది. తాజాగా అన్షు రీఎంట్రీ రెడీ అయ్యిందని తెలుస్తోంది.
దాదాపు 21 ఏళ్ల తరువాత అన్షు రీఎంట్రీ ఇవ్వనుంది. కుర్ర హీరో సందీప్ కిషన్ హీరోగా త్రినాధరావు నక్కిన డైరెక్షన్లో ఒక సినిమా తెరకెక్కుతున్న విషయం తెల్సిందే. రాజేష్ దండా ఈ సినిమాను నిర్మిస్తున్నారు. ఈ మధ్యనే పూజా కార్యక్రమాలు పూర్తిచేసుకున్న ఈ చిత్రం త్వరలోనే సెట్స్ మీదకు వెళ్లనుంది. ఈ సినిమాలో అన్షు ఛాన్స్ కొట్టేసిందని టాక్. అయితే ఎలాంటి పాత్ర అనేది ఇంకా బయటకు రాలేదు. కొంతమంది మాత్రం చిన్నప్పటి సందీప్ కిషన్ కు తల్లిగా నటిస్తుందని అంటున్నారు. చూడాలి మరి ఈ సినిమా తర్వాత అన్షుకు మళ్లీ అవకాశాలు క్యూ కడుతాయో లేదో.