Ram Charan : చిరంజీవి కొడుకుగా ఇండస్ట్రీ లోకి అడుగుపెట్టిన రామ్ చరణ్, నేడు చిరంజీవినే మించిపోయిన హీరోగా ఎదిగిన సంగతి మన అందరికీ తెలిసిందే. చిరుత సినిమాతో ప్రారంభమైన రామ్ చరణ్ కెరీర్, ఇప్పుడు #RRR చిత్రం తో ఏకంగా గ్లోబల్ స్టార్ గా ఎదిగిన సంగతి మన అందరికీ తెలిసిందే. ఇప్పుడు ఆయన సినిమా కోసం కేవలం టాలీవుడ్ ఆడియన్స్, ఇండియన్ ఆడియన్స్ మాత్రమే కాదు, ప్రపంచం లో ఉన్న మూవీ లవర్స్ మొత్తం ఎంతో ఆతృతగా ఎదురు చూస్తారు.
ప్రస్తుతం శంకర్ తో ‘గేమ్ చేంజర్’ చిత్రం లో నటిస్తున్న రామ్ చరణ్, ఈ సినిమా తర్వాత బుచ్చి బాబు తో ఒక సినిమా చెయ్యబోతున్నాడు. ఇదంతా పక్కన పెడితే రామ్ చరణ్ గురించి ఎవరికీ తెలియని ఒక ఆసక్తికరమైన విషయం ఒకటి బయటపడింది. అది ఇప్పుడు సోషల్ మీడియా లో హాట్ టాపిక్ గా మారింది.
పూర్తి వివరాల్లోకి వెళ్తే రామ్ చరణ్ కి టాలీవుడ్ లో మాత్రమే కాదు, బాలీవుడ్ లో కూడా మంచి స్నేహితులు ఉన్నారు. షారుఖ్ ఖాన్, సల్మాన్ ఖాన్ వంటి వారు కూడా రామ్ చరణ్ కి బెస్ట్ ఫ్రెండ్స్.ఆయన అడిగితే ఏమి చేయడానికైనా సిద్ధం అయిపోతారు. రామ్ చరణ్ ఒక్క మాట అడగగానే సల్మాన్ ఖాన్ ఒక్క రూపాయి రెమ్యూనరేషన్ కూడా కూడా తీసుకోకుండా మెగాస్టార్ చిరంజీవి ‘గాడ్ ఫాదర్’ చిత్రంలో నటించాడు. అలాగే రామ్ చరణ్ కూడా గతం లో సల్మాన్ ఖాన్ కోసం ఒక పని చేసాడు.
ఆయన హీరో గా నటించిన ‘ప్రేమ్ రతన్ ధన్ పాయో’ సినిమా తెలుగు దబ్ అయ్యింది. ఈ సినిమాలో సల్మాన్ ఖాన్ రోల్ కి రామ్ చరణ్ తన వాయిస్ ని అందించాడు. ఇప్పటి వరకు ఈ విషయం చాలా తక్కువ మందికి మాత్రమే తెలుసు. అభిమానులకు కూడా ఈ విషయం తెలియదు. యూట్యూబ్ లో ఈ సినిమా అందుబాటులో ఉంది, చూస్తే మీకే అర్థం అవుతుంది.
