Varalakshmi Sharath Kumar గురించి ప్రత్యేకంగా పరిచయం అవసరం లేదు. టాలీవుడ్ ఇండస్ట్రీలోకి అడుగుపెట్టి ఏ రేంజ్ లో పాపులారిటీ సంపాదించిందో ప్రత్యేకంగా చెప్పాల్సిన పనిలేదు. అయితే తాజాగా వరలక్ష్మి శరత్ కుమార్ టాలీవుడ్ లక్కీ బ్యూటీ అంటూ సోషల్ మీడియాలో చేసిన వ్యాఖ్యలు వైరల్ అవుతున్నాయి. వరలక్ష్మి శరత్‌కుమార్‌ నటించిన సినిమా సంక్రాంతికి విడుదలైతే.. కచ్చితంగా బ్లాక్‌బస్టర్‌ హిట్ కొట్టడం ఖాయం అనే వ్యాఖ్యలు వినిపిస్తున్నాయి. క్రాక్, వీరసింహారెడ్డి, హనుమాన్ చిత్రాలతో ఈ సెంటిమెంట్ నిజమైంది.
వరలక్ష్మి శరత్ కుమార్ నటించిన సినిమాలు అన్నీ సక్సెస్ కాకపోయినా సంక్రాంతి సినిమాలకు మాత్రం ప్రేక్షకుల అంచనాలకు మించిన రెస్పాన్స్ వచ్చింది. ఈ సినిమాల కలెక్షన్ల వర్షం కూడా కురిసింది. వరలక్ష్మి శరత్ కుమార్ పాత్రలు కూడా అదే రేంజ్ లో ఉంటాయి. నటనకు ప్రాధాన్యమున్న పాత్రలనే ఎంచుకుంటూ తన సత్తా చాటుతున్న ఈ ముద్దుగుమ్మ ప్రేక్షకులను మెప్పిస్తుంది.
ఇది ఆమెకు మరింత ప్లస్ అవుతుంది. ఇదిలా ఉంటే ఆమె పారితోషికం కూడా అంతంత మాత్రమే. రీసెంట్ గా వచ్చిన హనుమాన్ సినిమాతో వరలక్ష్మి మరిన్ని అవకాశాలు అందుకుంటూ ఇండస్ట్రీలో బిజీ అయిపోయింది. హనుమాన్ సినిమాలో హీరోకి అక్క పాత్రలో కనిపించిన వరలక్ష్మి. ఆ పాత్రలో భావోద్వేగాలను అద్భుతంగా పండించి ప్రేక్షకులను మెప్పించారు. వరలక్ష్మి ఫ్యాన్ ఫాలోయింగ్ రేటు ఎప్పటికప్పుడు పెరుగుతూనే ఉంటుంది. ఇండస్ట్రీలో ఆఫర్లు కూడా పెరుగుతున్నాయి. భవిష్యత్తులో వరలక్ష్మి మరిన్ని వరుస విజయాలు అందుకోవాలని అభిమానులు ఆశిస్తున్నారు.