Pooja Hegde : టాలీవుడ్ స్టార్ హీరోయిన్ పూజా హెగ్డే గురించి ప్రత్యేకమైన పరిచయం అవసరం లేదు. నాగ చైతన్య సరసన ఒక లైలా కోసం సినిమాతో ఇండస్ట్రీకి ఎంట్రీ ఇచ్చింది. ఆ తర్వాత వరుస హిట్ సినిమాల్లో నటించి స్టార్ హీరోయిన్ గా గుర్తింపు సంపాదించుకుంది. ఒకప్పుడు టాలీవుడ్ అగ్ర హీరోల అందరి సరసన నటించి.. గోల్డెన్ లెగ్‌గా పాపులారిటీ దక్కించుకుంది. గత కొంతకాలంగా ఆమెకు ఆశించిన స్థాయిలో విజయాలు దక్కలేదు. దీంతో గోల్డెన్ లెగ్ కాస్త ఐరన్ లెగ్ అయిపోయింది. ప్రస్తుతం టాలీవుడ్ లో ఫ్రీ బర్డ్ హీరోయిన్ గా మారిపోయింది. అవకాశాలు లేక.. వచ్చిన అవకాశాలన్నీ వదులుకుంటూ.. కెరీర్ ను చేజేతులా పాడు చేసుకుంది. ఆమె ప్లేస్ లో చాలా సినిమాల్లో వేరే హీరోయిన్లు నటిస్తూ మంచి పాపులారిటీ దక్కించుకుంటున్నారు.
ఇటీవల మహేశ్ సరసన గుంటూరు కారం సినిమా నుంచి బయటకు వచ్చిన సంగతి తెలిసిందే. ఆ తర్వాత ఆమె పేరు ఎక్కడా కనిపించలేదు. అయితే నాని సినిమాలో పూజ హెగ్డేకి హీరోయిన్ గా అవకాశం వచ్చినట్లు వార్తలు వినిపించాయి. దానిని కూడా అమ్మడు వదిలేసింది. ప్రస్తుతం పూజా హెగ్డే చేతిలో ఒక్కటంటే ఒక్క సినిమా లేదు. దీంతో తన నెక్స్ట్ సినిమా అప్ డేట్ కోసం ఆమె అభిమానులు వెయిట్ చేస్తున్నారు.
అయితే తాజాగా వినిపిస్తున్న వార్తల ప్రకారం పూజా హెగ్డే కి తెలుగు ప్రేక్షకులు బోర్ కొట్టేశారట. అందుకే టాలీవుడ్లో అవకాశాలు వచ్చినా చేయనంటూ రిజెక్ట్ చేస్తుందట. దీంతో నిన్ను అసలు సినిమాల్లో తీసుకొనేందుకు టాలీవుడ్ డైరెక్టర్లే ముందుకు రావట్లేదు. ఏదో నువ్వు ఆ విషయాన్ని కప్పి పుచ్చుకునేందుకు ఎన్నో చెబుతావంటూ నెటిజన్లు కామెంట్స్ చేస్తున్నారు. అంతేకాకుండా తెలుగులో చిన్న హీరోయిన్లు సైతం పాన్ ఇండియా లెవల్లో బారీ హిట్లు సాధిస్తుంటే వచ్చిన అవకాశాలన్నీ వదులు కోవడం చాలా ఆశ్చర్యకరం. ఇక ఇలాగే కంటిన్యూ చేస్తే నెమ్మదిగా పూజా హెగ్డే టాలీవుడ్ ఫేడవుట్ లిస్టులో చేరిపోవడం ఖాయం.