Ram Charan : RRR లాంటి సెన్సేషనల్ బ్లాక్ బస్టర్ హిట్ తర్వాత మెగా పవర్ స్టార్ రామ్ చరణ్ కి పాన్ వరల్డ్ రేంజ్ క్రేజ్ మరియు ఫాలోయింగ్ ఏర్పడిన సంగతి మన అందరికీ తెలిసిందే. ఇప్పుడు ఈయనతో సినిమా చెయ్యడానికి ఇతర ఇండుస్త్రీలకు సంబంధించిన డైరెక్టర్స్ అందరూ ఎదురు చూస్తున్నారు. ముఖ్యంగా బాలీవుడ్ లో రామ్ చరణ్ డేట్స్ కి చాలా డిమాండ్ ఏర్పడింది.
ఇప్పటికే పలు కథలను విన్న రామ్ చరణ్ ఒక ప్రాజెక్ట్ చెయ్యడానికి గ్రీన్ సిగ్నల్ ఇచ్చినట్టు వార్తలు వినిపిస్తున్నాయి. ‘3 ఇడియట్స్’, ‘పీకే’ లాంటి సంచలనాత్మక చిత్రాలను తెరకెక్కించిన రాజ్ కుమార్ హిరానీ తో రామ్ చరణ్ ఒక సినిమా చెయ్యబోతున్నాడు అని చాలా రోజుల నుండి ఒక వార్త సోషల్ మీడియా లో జోరుగా ప్రచారం సాగింది. అయితే ఇందులో ఎలాంటి నిజం లేదని రాజ్ కుమార్ హిరానీ రీసెంట్ గా జరిగిన ఒక ఇంటర్వ్యూ లో చెప్పుకొచ్చాడు.
రామ్ చరణ్ తో సినిమా చెయ్యాలని నాకు కూడా ఉంది, కానీ మా మధ్య ఇప్పటి వరకు ఆ ప్రాజెక్ట్ కి సంబంధించిన చర్చ రాలేదు అని తేల్చి చెప్పేసాడు. మరి రామ్ చరణ్ చెయ్యబొయ్యే బాలీవుడ్ ప్రాజెక్ట్ ఏమిటి అనేది ప్రస్తుతానికి సస్పెన్స్. అక్కడి నుండి అత్యధిక ఆఫర్లు వస్తుండడం తో రామ్ చరణ్ తన బేస్ ని హైదరాబాద్ నుండి ముంబై కి షిఫ్ట్ చెయ్యాలనే ఆలోచనలో ఉన్నాడు అట.
దీనిబట్టి చూస్తుంటే రామ్ చరణ్ బాలీవుడ్ లో స్టార్ ఇమేజి కోసం బలమైన ప్రయత్నాలు మొదలు పెట్టాడు అని అర్థం అవుతుంది. ప్రస్తుతం శంకర్ తో ‘గేమ్ చేంజర్’ చేస్తున్న రామ్ చరణ్, ఈ సినిమా పూర్తి అవ్వగానే బుచ్చి బాబు తో ఒక సినిమా చెయ్యబోతున్నాడు. ఈ రెండు చిత్రాలు పూర్తయ్యాక, దాదాపుగా రెండేళ్ల పాటు రామ్ చరణ్ బాలీవుడ్ ప్రాజెక్ట్స్ తో బిజీ గా ఉంటాడట. దీని కోసం ఆయన ఇల్లు ని కూడా కొన్నట్టు వార్తలు తెలుస్తుంది.
