Guntur Kaaram First Review : అతడు మరియు ఖలేజా వంటి క్లాసిక్ చిత్రాల తర్వాత మహేష్ బాబు మరియు త్రివిక్రమ్ కాంబినేషన్ లో తెరకెక్కుతున్న మూడవ చిత్రం ‘గుంటూరు కారం’. టైటిల్ కూడా ఖరారు కానీ రోజుల నుండే ఈ సినిమాకి ఉన్న క్రేజ్ వేరు. షూటింగ్ ప్రారంభ దశలో ఉన్నప్పుడే అన్నీ ప్రాంతాలకు సంబంధించిన ప్రీ రిలీజ్ థియేట్రికల్ బిజినెస్ ముగిసిపోయింది. ఈ క్రేజీ కాంబినేషన్ కి ఉన్న పవర్ అలాంటిది.
ఇప్పటి వరకు ఈ సినిమా నుండి విడుదలైన పాటలు మరియు టీజర్ కి ఫ్యాన్స్ మరియు ఆడియన్స్ నుండి బంపర్ రెస్పాన్స్ వచ్చింది. ఇక రీసెంట్ గా మహేష్ నుండి విడుదలైన ఊర మాస్ పోస్టర్స్ కి ఫ్యాన్స్ ఊగిపోతున్నారు. జనవరి 2 వ తారీఖుతో షూటింగ్ కార్యక్రమాలు పూర్తి చేసుకోబోతున్న ఈ సినిమా జనవరి 12 వ తేదీన విడుదల కాబోతుంది. ఈ సందర్భంగా ఈ చిత్రానికి సంబంధించిన మొట్టమొదటి రివ్యూ మీ కోసం అందిస్తున్నాము.
ఈ సినిమాలో మహేష్ పాత్ర ఇంతకు ముందు ఎన్నడూ చూడనంత మాస్ గా డిజైన్ చేసాడట డైరెక్టర్ త్రివిక్రమ్ శ్రీనివాస్. ఆయన నోటి నుండి వచ్చే మాస్ డైలాగ్స్ మరియు ఫైట్స్ మాస్ ఆడియన్స్ కి ఒక కనులపండుగ లాగ ఉంటుందట. ఇకపోతే ఈ చిత్రం లో మహేష్ బాబు రెండు పాటలకు దుమ్ము లేచిపోయే రేంజ్ డ్యాన్స్ వేసాడట. ఈ సినిమాలో మహేష్ వేసిన రేంజ్ డ్యాన్స్ స్టెప్పులు కెరీర్ మొత్తం మీద ఆయన ఇప్పటి వరకు వెయ్యలేదు అంటేనే అర్థం చేసుకోవచ్చు.
ఇక ప్రారంభం లో వచ్చే 15 నిమిషాలు, అలాగే చివర్లో వచ్చే 20 నిమిషాలు ఈ సినిమాకి హైలైట్స్ గా నిలుస్తాయట. కానీ సెకండ్ హాఫ్ మాత్రం బాగా వీక్ గా ఉందని ఫిలిం నగర్ లో ఒక టాక్ వినిపిస్తుంది. కానీ సంక్రాంతి కి కమర్షియల్ సినిమాలు ఎలా ఉన్నా ఆడేస్తాయి కాబట్టి భయపడాల్సిన అవసరం లేదని ట్రేడ్ పండితులు చెప్తున్నారు.