Naveen Polishetty : ఎలాంటి బ్యాక్ గ్రౌండ్ సపోర్టు లేకుండా ఇండస్ట్రీ లో వచ్చి అతి తక్కువ సమయం లోనే యూత్ లో మంచి ఫ్యాన్ ఫాలోయింగ్ సంపాదించుకున్న హీరో నవీన్ పోలిశెట్టి. ఈయన కెరీర్ ప్రారంభం లో క్యారక్టర్ ఆర్టిస్టు రోల్స్ ద్వారానే మన అందరికీ పరిచయం అయ్యాడు. బాలీవుడ్ లో ఒక పాపులర్ షో కి యాంకర్ గా వ్యవహరించిన నవీన్ పోలిశెట్టి కి శేఖర్ కమ్ముల దర్శకత్వం లో తెరకెక్కిన ‘లైఫ్ ఈజ్ బ్యూటిఫుల్’ చిత్రం లో ఒక కీలకమైన పాత్ర పోషించే ఛాన్స్ దక్కింది.
ఆ సినిమా తర్వాత నవీన్ మహేష్ బాబు ‘1 నేనొక్కడినే’ చిత్రం లో నటించాడు. ఆ తర్వాత బాలీవుడ్ లో పలు సినిమాల్లో నటించిన నవీన్ తెలుగు లో ‘ఏజెంట్ సాయి శ్రీనివాస్ ఆత్రేయ’ చిత్రం తో తొలిసారి హీరో గా నటించాడు. ఈ సినిమా సూపర్ హిట్ అయ్యింది.
ఆ తర్వాత ఆయన బాలీవుడ్ లో ‘చిచోరే’ అనే చిత్రం చేసాడు. ఈ సినిమా కూడా పెద్ద హిట్ అయ్యింది. ఆ తర్వాత టాలీవుడ్ లో ‘జాతి రత్నాలు’ మరియు ‘మిస్ శెట్టి మిస్టర్ పోలిశెట్టి’ వంటి వరుస సూపర్ హిట్ సినిమాలతో తనకంటూ ఒక స్థిరమైన మార్కెట్ ని ఏర్పాటు చేసుకున్నాడు. ఇదంతా పక్కన పెడితే నవీన్ హీరో కాకముందు పవన్ కళ్యాణ్ ‘కాటంరాయుడు’ చిత్రం లో ఒక తమ్ముడిగా నటించే అవకాశం వచ్చిందట.
పలు రోజులు ఆయనకీ సంబంధించిన షూటింగ్ కూడా జరిపారట. కానీ కొన్ని ఆరోగ్య సమస్యల వల్ల ఆయన సినిమా నుండి తప్పుకోవాల్సి వచ్చింది. ఆ తర్వాత అతని స్థానం లోకి శివబాలాజీ ని తీసుకున్నారు. ఈ విషయం చాలా రోజుల తర్వాత ఇప్పుడే బయటపడింది. ప్రస్తుతం నవీన్ సితార ఎంటర్టైన్మెంట్స్ బ్యానర్ లో ఒక సినిమా చేస్తున్నాడు.