Kaushal : తెలుగు బిగ్ బాస్ రియాలిటీ లో ఇప్పటి వరకు ప్రసారమైన అన్నీ సీజన్స్ లో ది బెస్ట్ కంటెస్టెంట్ అనిపించుకున్న వ్యక్తి ఎవరు అంటే అది కౌశల్ అని చెప్పడం లో ఎలాంటి సందేహం లేదు. అంతకు ముందే ఇతను క్యారక్టర్ ఆర్టిస్టుగా మరియు విలన్ గా ఎన్నో సినిమాల్లో మరియు సీరియల్స్ లో నటించాడు. ఆ విధంగా ఇతను తెలుగు ఆడియన్స్ కి సుపరిచితమే కానీ పెద్దగా ఆదరణ ఏమి లభించలేదు.
కానీ ఎప్పుడైతే ఇతను బిగ్ బాస్ సీజన్ 2 లోకి అడుగుపెట్టాడో, అప్పటి నుండి ఇతని జాతకమే మారిపోయింది అని చెప్పొచ్చు. ఈ సీజన్ లో ఆయన హౌస్ మేట్స్ అందరూ కౌశల్ ని టార్గెట్ చెయ్యడం, వాళ్ళు ఎంత టార్గెట్ చేసినా చెక్కు చెదరని ఆత్మ విశ్వాసం తో గేమ్స్ ఆడడం ప్రేక్షకులకు తెగ నచ్చేసింది. ఈయనకి అప్పుడు ఏర్పడిన ఫ్యాన్ బేస్ ఎలా ఉన్నింది అంటే ఒక స్టార్ హీరో కి ఏ రేంజ్ ఉంటుందో ఆ రేంజ్ అన్నమాట.
ఈయనకి మద్దతుగా అప్పట్లో బయట ర్యాలీలు కూడా పెద్ద ఎత్తున జరిగాయి. ఆ రేంజ్ ఫాలోయింగ్ బిగ్ బాస్ హిస్టరీ లోనే ఏ కంటెస్టెంట్ కి కూడా రాలేదు అనడం లో ఎలాంటి అతిశయోక్తి లేదు. ఇదంతా పక్కన పెడితే ఇప్పుడు అతి త్వరలోనే బిగ్ బాస్ ఓటీటీ సీజన్ 2 హాట్ స్టార్ లో ప్రారంభం కాబోతుంది. ఈ సీజన్ లో ఒక కంటెస్టెంట్ గా పాల్గొనేందుకు కౌశల్ కి ఒక ఛాన్స్ వచ్చిందట. రీసెంట్ గానే బిగ్ బాస్ టీం వాళ్ళు కౌశల్ ని సంప్రదించగా ఆయన అందుకు గ్రీన్ సిగ్నల్ ఇచ్చినట్టు తెలుస్తుంది.
మొదటి సీజన్ లో కూడా కౌశల్ కి అవకాశం వచ్చింది. కానీ అంత పెద్ద ఛానల్ లో రియాలిటీ షో లో పాల్గొని, ఇప్పుడు చిన్న ప్లాట్ ఫార్మ్ లో పాల్గొనేందుకు ఇష్టం లేదని రిజెక్ట్ చేసాడట. కానీ ఇప్పుడు కౌశల్ కి అటు సినిమాల్లోనూ ఇటు సీరియల్స్ లోను ఆఫర్స్ లేవు, కాబట్టి ఇప్పుడు ఈ ఓటీటీ బిగ్ బాస్ సీజన్ 2 లో పాల్గొనేందుకు ఒప్పుకున్నాడు అని వార్తలు వినిపిస్తున్నాయి. ఇందుకోసం ఆయనకి మంచి రెమ్యూనరేషన్ ని కూడా ఆఫర్ చేశారట.