Big Boss : ప్రస్తుతం బిగ్ బాస్ హౌస్ లో టాప్ మోస్ట్ కంటెస్టెంట్ గా నెంబర్ 1 స్థానం లో కొనసాగుతున్న వ్యక్తి శివాజీ. ఈయన హౌస్ లోకి అడుగుపెట్టినప్పుడు పెద్దగా క్రేజ్ ఏమి లేదు. శివాజీ అంటే ఒక సినీ నటుడు, అంత మాత్రమే ఆడియన్స్ కి తెలుసు. మొదటి వారం నామినేషన్స్ లోకి వచ్చినప్పుడు ఆయన చివరి మూడు స్థానాల్లో ఒక స్థానం లో నిలిచాడు.
కానీ ఆయన హౌస్ లో నడుచుకునే తీరుకు, ఆడుతున్న ఆటకి ఇప్పుడు నామినేషన్స్ లో మిగిలిన కంటెస్టెంట్స్ అందరికంటే 50 శాతం ఎక్కువ ఓట్లను సంపాదించుకుంటున్నాడు. ఆ రేంజ్ లో ఆయన ఫాలోయింగ్ పెరిగింది. అయితే శివాజీ ఇన్నేళ్ల తన సినీ కెరీర్ లో తన కొడుకుల్ని కానీ, సతీమణిని కానీ ఇప్పటి వరకు చూపించలేదు. కానీ ఈ వారం బిగ్ బాస్ హౌస్ లో ఫ్యామిలీ వీక్ నడవనుంది. హౌస్ లో ఉన్న కంటెస్టెంట్స్ అందరికీ సంబంధించిన కుటుంబ సభ్యులు లోపలకు రాబోతున్నారు.
ఈరోజు శివాజీ కొడుకు ఒక డాక్టర్ లాగ హౌస్ లోకి అడుగుపెట్టాడు. శివాజీ కి ప్రతీ రోజు మెడికల్ ట్రీట్మెంట్ జరుగుతూనే ఉంది, అలా ఈరోజు కూడా మెడికల్ ట్రీట్మెంట్ ఇస్తున్నట్టుగా శివాజీ కొడుకుని ముందుగా మాస్కు వేయించి లోపలకు పంపారు బిగ్ బాస్. ఆయన చెయ్యి ఎలా ఉంది, సరిగ్గా సెట్ అయ్యిందా లేదా అని డాక్టర్ లాగ అడిగి తెలుసుకున్న ఆయన చివర్లో ముఖాన్ని రివీల్ చేసి శివాజీకి షాకింగ్ సర్ప్రైజ్ అందించాడు.
ఆ తర్వాత బిగ్ బాస్ హౌస్ లోపలకు తన కొడుకుని తీసుకెళ్లి అందరికీ పరిచయం చేయించాడు శివాజీ. చూసేందుకు అచ్చం హీరో లాగ కనిపిస్తున్న శివాజీ కొడుకు పేరు శ్రీ. ఇతను ఇండస్ట్రీ కి దూరంగా పెరుగుతున్నాడు. చదువు విషయం లో ఇంటెలిజెంట్ గా పేరు తెచ్చుకున్న శ్రీ, రీసెంట్ గానే బీటెక్ ని పూర్తి చేసాడు. వచ్చే ఏడాది మాస్టర్స్ కోర్స్ కోసం అమెరికా కి వెళ్లబోతున్నాడు. మరి ఈరోజు ఎపిసోడ్ లో ఇతని గురించి మరికొన్ని పూర్తి వివరాలు తెలియనుంది.