Jawan Movie : ఈ ఏడాది ఇండియన్ బాక్స్ ఆఫీస్ ని షేక్ చేసిన చిత్రాలలో ఒకటి బాలీవుడ్ సూపర్ స్టార్ షారుఖ్ నటించిన జవాన్. సుమారుగా ప్రపంచవ్యాప్తంగా 1100 కోట్ల రూపాయిల గ్రాస్ వసూళ్లను కొల్లగొట్టిన ఈ చిత్రం తెలుగు లో కూడా అద్భుతమైన వసూళ్లను రాబట్టి సూపర్ హిట్ గా నిల్చింది. టాలీవుడ్ లో షారుఖ్ ఖాన్ దబ్ సినిమా సూపర్ డూపర్ హిట్ అవ్వడం ఇదే తొలిసారి.
కేవలం తెలుగు వెర్షన్ నుండి ఈ సినిమాకి 30 కోట్ల రూపాయిల షేర్ వసూళ్లు వచ్చాయి. ఇది మామూలు విషయం కాదనే చెప్పాలి. ఏ బాలీవుడ్ హీరో కి కూడా తెలుగు లో ఈ స్థాయి వసూళ్లు ఇప్పటి వరకు చూడలేదు. బాలీవుడ్ హీరోకే టాలీవుడ్ లో ఈ స్థాయి వసూళ్లు వస్తే, ఇక టాలీవుడ్ హీరో ఈ చిత్రాన్ని చేసి ఉంటే ఏ రేంజ్ వసూళ్లు వచ్చేవో మనం ఊహించుకోవచ్చు.
అయితే ఈ సినిమా డైరెక్టర్ అట్లీ ‘జవాన్’ చిత్రాన్ని తెలుగు లో చాలా మంది హీరోలను కలిసి చేద్దాం అనుకున్నాడట. ముందుగా సూపర్ స్టార్ మహేష్ బాబు కి ఈ స్టోరీ వినిపించాడు. మహేష్ అప్పటికే ఇలాంటి మెసేజి ఓరియెంటెడ్ సినిమాలు చేసి ఉన్నాడు. మన ఇద్దరం కలిసి చేస్తున్నాం అంటే కాస్త డిఫరెంట్ గా ఉండాలి వేరేది చేద్దాం అన్నాడట.
ఇక ఆ తర్వాత పవన్ కళ్యాణ్, రామ్ చరణ్ మరియు జూనియర్ ఎన్టీఆర్ వంటి హీరోలకు కూడా ఈ కథ వినిపించినట్టు టాక్. కానీ ఎందుకో ఓకే అవ్వలేదు. కానీ షారుఖ్ ఖాన్ మాత్రం అట్లీ దర్శకత్వ ప్రతిభ చూసి ఆయనే స్వయంగా పిలిచి సినిమా చేద్దాం అన్నాడట. అప్పుడు తన దగ్గర ఉన్న జవాన్ స్టోరీ ని చెప్పాడు, షారుఖ్ ఖాన్ కి తెగ నచ్చేసింది. ఇక ఆ తర్వాత జరిగిన అద్భుతాలు మన అందరికీ తెలిసిందే.