Hansika Motwani : సౌత్ ఇండియన్ ఫిలిం ఇండస్ట్రీ లో టాప్ మోస్ట్ హీరోయిన్ గా కొనసాగుతున్న వారిలో ఒకరు హన్సిక. ‘దేశముదురు’ సినిమాతో ప్రారంభమైన హన్సిక సినీ కెరీర్ ఆ తర్వాత ఎన్నో మలుపులు తిరిగింది. తెలుగు లో కంటే కూడా ఆమె ఎక్కువగా తమిళం లోనే సినిమాలు చేసింది. అలాగే బాలనటిగా హృతిక్ రోషన్ లాంటి సూపర్ స్టార్ సినిమాలో కూడా నటించింది. ముఖ్యంగా తమిళం లో ఈమెకి ఉన్న క్రేజ్ మామూలుది కాదు.
అక్కడ దాదాపుగా అందరి స్టార్ హీరోలతో కలిసి సినిమాలు చేసింది. అయితే కొత్త హీరోయిన్స్ ఇండస్ట్రీ లోకి అడుగుపెట్టడం తో హన్సిక క్రేజ్ ఇప్పుడు బాగా తగ్గిపోయిందనే చెప్పాలి. పెళ్లి తర్వాత కూడా సినిమాల్లో నటిస్తుంది కానీ, క్రేజీ సినిమాలు మాత్రం కాదు. ఆ చిత్రాలు ఎప్పుడు విడుదల అవుతున్నాయో, ఎప్పుడు వెళ్లిపోతున్నాయి కూడా తెలియని పరిస్థితి ఏర్పడింది. ఇప్పుడు ఆ సినిమా అవకాశాలు కూడా రావడం తగ్గిపోయింది.
ప్రస్తుతం ఆమె ఎక్కువగా ఓటీటీ ఆడియన్స్ కి మాత్రమే పరిమితం అయిపోయింది. రీసెంట్ గానే డిస్నీ + హాట్ స్టార్ లో ‘మైత్రి’ అనే వెబ్ సిరీస్ తో మన ముందుకి వచ్చిన హన్సిక, ఇప్పుడు ‘గార్డియన్’ అనే సినిమాతో ఓటీటీ లో సందడి చేయబోతుంది. ఈ సినిమా అతి త్వరలోనే డిస్నీ + హాట్ స్టార్ లో స్ట్రీమింగ్ కానుంది. ఈ సినిమాకి సంబంధించిన టీజర్ ని రీసెంట్ గానే విడుదల చెయ్యగా ఆడియన్స్ నుండి పర్వాలేదు అనే రేంజ్ రెస్పాన్స్ వచ్చింది.
ఈ చిత్రం లో హన్సిక దెయ్యంగా మరియు యువతిగా ద్విపాత్రాభినయం పోషించింది. దెయ్యం పాత్ర పూర్తిగా నెగటివ్ రోల్ లాగ ఉంటుందట. ఆమె కెరీర్ లోనే ది బెస్ట్ రోల్ పడింది అంటూ రీసెంట్ గా జరిగిన ఒక ఇంటర్వ్యూ లో చెప్పుకొచ్చింది. మరి ఈ సినిమాతో ఆమె ఆడియన్స్ ని అలరిస్తుందో లేదో చూడాలి.