Prabhas హీరోగా మారుతి దర్శకత్వంలో ఓ చిత్రం తెరకెక్కుతోంది. హారర్ కామెడీ థ్రిల్లర్ జోనర్ లో ఈ మూవీ రూపొందుతోంది. ఈ చిత్రానికి ‘రాజు డీలక్స్‘ అనే టైటిల్ ఖరారు చేసినట్లు తెలుస్తోంది. ఓ వైపు పాన్ ఇండియన్ సినిమాల్లో నటిస్తున్న ప్రభాస్, మారుతి మూవీ షూటింగ్ లోనూ పాల్గొంటున్నారు. ఈ మూవీ సైతం పాన్ ఇండియా రేంజిలో తెరకెక్కుతోంది.
తాజాగా ఈ సినిమా గురించి, ఈ సినిమా కోసం తాను పడుతున్న కష్టం గురించి మారుతి పలు కీలక విషయాలు వెల్లడించారు. ప్రభాస్ తో చేస్తున్న సినిమా కోసం ఎంతో కష్టపడుతున్నట్లు దర్శకుడు మారుతి తెలిపారు. “నా కెరీర్‌లో ఇంత పెద్ద స్టార్‌కి దర్శకత్వం వహించడం ఇదే తొలిసారి. నా చెమట, రక్తం, కన్నీళ్లను ప్రభాస్ సినిమా కోసం ధారపోస్తున్నాను. ఇది నా జీవితంలో లభించిన బెస్ట్ అవకాశంగా భావిస్తున్నాను. అంతేకాదు, ఈ మూవీ నా కెరీర్‌లో టర్నింగ్ పాయింట్ అవుతుంది.
ఇంత పెద్ద స్టార్‌ని డైరెక్ట్ చేయడం నాలాంటి మిడ్ రేంజ్ డైరెక్టర్‌కి చిన్న విషయం కాదు. నేను ఈ ప్రతిష్టాత్మక ప్రాజెక్టు కోసం అన్నీ త్యాగం చేసి కష్టపడుతున్నాను” అంటూ మారుతి ఎమోషనల్ అయ్యారు. ’’ప్రస్తుతం ప్రభాసం చాలా సినిమాలు చేస్తున్నారు. నా సినిమా గురించి అప్ డేట్స్ ఇస్తే అభిమానులు కన్ఫ్యూజన్ లో పడే అవకాశం ఉంది. మరికొద్ది రోజుల్లోనే ఈ సినిమా గురించి వివరాలు వెల్లడిస్తాం’’ అని చెప్పారు.