Prabhas : ప్రస్తుతం ఏఐ హవా నడుస్తోంది. ఎక్కడ చూసినా ఏఐ గురించే చర్చ. ఈ మధ్య కాలంలో ఏఐ ద్వారా ఫోటోలను రూపొందించి సోషల్ మీడియాలో తెగ వైరల్ చేస్తున్నారు. ఈ టెక్నాలజీ వచ్చిన దగ్గర్నుంచి సామాన్యుల దగ్గర్నుంచి సెలబ్రిటీల వరకు ఇదే పనిగా మారింది. ఇక ఫ్యాన్స్ అయితే తమ అభిమాన హీరోలను తమకు నచ్చిన విధంగా ఎడిట్ చేసి సోషల్ మీడియాలో పోస్టు చేసేస్తున్నారు. వాస్తవానికి నిజం ఫోటోల కంటే ఆ ఫోటోల్లోనే వారు బాగున్నారు. ప్రభాస్, పవన్ కళ్యాణ్, మహేష్ బాబు, రామ్ చరణ్, ఎన్టీఆర్, విజయ్ దేవరకొండ ఇలా ఏ ఒక్కరినీ వదలడం లేదు. అభిమానుల్లో ప్రభాస్ ఫ్యాన్స్ ఒక స్టెప్ ముందుకెళ్లి ఏఐలో ప్రభాస్ కు పెళ్లి చేసి పిల్లల్ని కూడా పుట్టించారు.
సినీ ఇండస్ట్రీలో ప్రభాస్ ఇప్పుడు మోస్ట్ ఎలిజబుల్ బ్యాచిలర్. ఆయన ఎప్పుడెప్పుడు తన పెళ్లి వార్త చెబుతాడా అంటూ ఫ్యాన్స్ ఎదురు చూస్తున్నారు. ఎన్నేళ్లు చూసినా ఆయన పెళ్లి ఊసే ఎత్తకపోయే సరికి తమ ఆనందం కోసం ప్రభాస్ పెళ్లి జరిగినట్లు.. ఆయనకు ఓ పాప పుట్టినట్లు ఏఐ టెక్నాలజీ ద్వారా ఎడిట్ చేసి షేర్ చేశారు. ఇంకా విచిత్రం ఏంటటే.. ఇందులో ప్రభాస్ కు అనుష్కకు పెళ్లి చేసి ఇద్దరు పిల్లలు ఉన్నట్లు ఫోటోలు తయారు చేశారు. నిజానికి ప్రభాస్ అనుష్క మధ్య ప్రేమాయణం నడుస్తుందని, వారిద్దరు త్వరలో పెళ్లి చేసుకోబోతున్నారని పుకార్లు వచ్చాయి. కాకపోతే తమ మధ్య అలాంటిది ఏమీ లేదని ఇద్దరూ కొట్టిపారేశారు. చాలా మంది వారి ఫెయిర్ బాగుంటుంది.. పెళ్లి చేసుకుంటే చూడాలని ఉందని కోరుకుంటున్నారు. పెళ్లిపై ఇద్దరూ అలాగే ఉండేసరికి అభిమానులు వారి పని వారు చేసుకుపోయారు. ఏది ఏమైనా ఫోటోల్లో ప్రభాస్, అనుష్క జంట చూడముచ్చటగా ఉంది. ప్రస్తుతం ఈ ఫోటోలు నెట్టింట్లో వైరల్ అవుతున్నాయి.
