Charmy Puri Jagannadh : టాలీవుడ్ టాలెంటెడ్ డైరెక్టర్ పూరీ జగన్నాథ్ గురించి ప్రత్యేకంగా చెప్పాల్సిన పనిలేదు. పోకిరి లాంటి సినిమాలో ఇండస్ట్రీ రికార్డులు బద్దలు కొట్టాడు. తన దర్శకత్వంలో చిన్న హీరోలను కూడా టాప్ హీరోల రేంజ్ కు తీసుకెళ్లాడు. ఒకానొక టైంలో పూరి సినిమాలు విడుదలవుతున్నాయంటే చాలు చాలామంది దర్శకులు తమ సినిమాలను పోస్ట్ పోన్ చేసుకునే వాళ్లు. హిట్ ఫ్లాపులతో సంబంధం లేకుండా అతి తక్కువ సమయంలోనే సినిమాలను తెరకెక్కించే టాలెంట్ పూరీ జగన్నాథ్ సొంతం.
అలాంటి పూరి ఈ మధ్య కాలంలో రేసులో వెనకబడిపోయాడు. ఇస్మార్ట్ శంకర్ తర్వత ఆయనకు సాలిడ్ హిట్ లేదు. విజయ్ దేవరకొండ తో భారీ బడ్జెట్ పెట్టి పాన్ ఇండియా సినిమాగా తెరకెక్కిన లైగర్ సినిమా దారుణ పరాజయాన్ని మూటగట్టుకుంది. ఇటీవల పూరి జగన్నాథ్ ముంబై కి షిఫ్ట్ అయ్యారు.. అక్కడే ఉంటున్నారు. కానీ పూరి ఫ్యామిలీ మాత్రం హైదరాబాదులోనే నివసిస్తున్నారు. అప్పుడప్పుడు కుటుంబం వద్దకు వచ్చి వెళ్తున్నారని తెలుస్తోంది.
కొంత కాలంగా పూరి జగన్నాథ్ తన కుటుంబంతో విడిపోయారన్న వార్తలు షికారు చేశాయి. కానీ ఇటీవల పూరి జగన్నాథ్ తన భార్యతో కలిసి ఎక్కడో పూజలు చేస్తున్న ఫోటోలు సోషల్ మీడియాలో వైరల్ అవడంతో.. ఆయన తన కుటుంబంతోనే ఉన్నట్లు తేలింది. దీంతో ఆ రూమర్స్ కు చెక్ పడింది. గతంలో ఓ సారి పూరి జగన్నాథ్ కుమారుడు ఆడియో ఫంక్షన్ కి వచ్చిన బండ్ల గణేష్ ఆయన భార్య లావణ్య గురించి కొన్ని ఆసక్తికర వ్యాఖ్యలు చేశారు.
ఈ సమయంలో పూరి జగన్నాథ్ నోరు అదుపులో పెట్టుకొని మాట్లాడితే బాగుంటుందంటూ తన స్టైల్లో కౌంటర్ వేశారు. ఇలా పూరి పర్సనల్ లైఫ్ ఎప్పుడు కాంట్రవర్సీల మయంగానే మిగిలిపోయింది. పూరి తన కొడుకును స్టార్ హీరోని చేసేందుకు ఎంత ట్రై చేసినా సక్సెస్ కాలేదు. నేడు పూరి బర్త్ డే సందర్భంగా ముంబైలో తన టీం తో కలిసి సెలబ్రేషన్స్ చేసుకున్నట్లుగా తెలుస్తోంది. ఇక చార్మి అర్ధరాత్రి నైట్ పూరికి విషెస్ తెలియజేస్తూ తన ఇన్ స్టాగ్రామ్ లో ఓ పోస్ట్ షేర్ చేసింది. ఇప్పుడు ఈ పోస్ట్ వైరల్ అవుతోంది.