బాల నటుడిగా సినిమాల్లోకి ఎంట్రీ ఇచ్చి సూపర్ స్టార్‍గా ఎదిగాడు మహేశ్ బాబు. గతేడాది సర్కారు వారి పాట సినిమాతో ప్రేక్షకుల ముందుకు వచ్చిన మహేశ్ బాబు ప్రస్తుతం గుంటూరు కారం, SSMB29 సినిమాలను లైన్‍లో పెట్టాడు. మాటల మాంత్రికుడు తివిక్రమ్ శ్రీనివాస్-మహేశ్ బాబు కాంబినేషన్‍లో వస్తున్న మూడో సినిమా గుంటూరు కారంపై అభిమానులు భారీ ఆశలు, అంచనాలు పెట్టుకున్నారు.
అయితే, ఆది నుంచి ఈ సినిమాకు ఆటంకాలు ఎదురు కావడమే కాకుండా పలువురు టెక్నిషియన్స్ తొలిగినట్లుగా వార్తలు వచ్చాయి. ఏది ఏమైనా ఈ సినిమా వచ్చే ఏడాది సంక్రాంతికి విడుదల కానుంది. ఇక రాజమౌళి దర్శకత్వంలో యాక్షన్ అండ్వెంచరస్ సినిమాగా SSMB29 కూడా మహేశ్ బాబు చేస్తున్న విషయం తెలిసిందే. సినిమాల సంగతి ఎలా ఉన్న మహేశ్ బాబు ఫ్యామిలీకి బాగా ఇంపార్టెన్స్ ఇస్తారు. సినిమాలతో ఎంత బిజీగా ఉన్నప్పటికీ భార్యా, పిల్లలతో వెకేషన్స్ ప్లాన్ చేసి వారితో గడుపుతుంటారు. అలాగే ఘట్టమనేని కుటుంబంలోని శుభకార్యాలకు వెళుతూ ఫ్యామిలీ రిలేషన్స్ బాగా మెయింటేన్ చేస్తుంటాడు మహేశ్ బాబు.
తాజాగా ఘట్టమనేని కుటుంబంలో జరిగిన ఓ వివాహపు వేడుకలకు మహేశ్ బాబు హాజరయ్యాడు. ఘట్టమనేని దామిని-కోనేరు సేతు సందీప్ ప్రీ వెడ్డింగ్ రిసెప్షన్‍కు మహేశ్ బాబు దంపతులతోపాటు సంగీత దర్శకుడు, ఆస్కార్ విన్నర్ కీరవాణి సహా పలువురు సెలబ్రిటీలు హాజరయ్యారు. వారిలో సీనియర్ నటి, ఏపీ మంత్రి రోజా కూడా ఉన్నారు. ఈ వేడుక క్రమంలో మహేశ్ బాబుతో కాసేపు సరదాగా ముచ్చటించిన రోజా ఆయనతో సెల్ఫీ తీసుకున్నారు. ఈ ఫొటోలను తన సోషల్ మీడియా ఖాతాలో రోజా పోస్ట్ చేశారు. ప్రస్తుతం ఈ పిక్స్ నెట్టింట్లో వైరల్ అవుతున్నాయి.