సినిమా ప్రపంచం అనేది ఓ రంగుల కల. ఇండస్ట్రీలో నిలదొక్కుకోవాలంటే అందం, టాలెంట్ ఉంటే సరిపోదు.. కాస్తంత అదృష్టం కూడా ఉండాలి. అందుకే ఎంత టాలెంట్ ఉన్నా అదృష్టం లేక ఎంతో మంది మంచి నటులు ఇండస్ట్రీలో నిలబడలేకపోతున్నారు. కానీ అందాల భామ శ్రీలీలకు మాత్రం అదృష్టం బంక పట్టనట్లు పట్టినట్లుంది. ఇండస్ట్రీకి ఎంట్రీ ఇచ్చి రెండేళ్లు కూడా కాలేదు. అమ్మడు తెలుగు చిత్ర పరిశ్రమను ఏలేస్తోంది. తాను పట్టిందల బంగారంలా మారిపోతుంది. కుర్ర హీరోలతో మొదలుకుని ఏజ్ డ్ హీరోల వరకు శ్రీలీలే మొదటి ఛాయిస్.. దీంతో వరుసగా అవకాశాలు అందుకుంటూ కెరీర్లో దూసుకుపోతుంది.
ప్రస్తుతం శ్రీలీల చేతిలో దాదాపు పదికి పైగా క్రేజీ ప్రాజెక్ట్స్ ఉన్నాయి. తాజాగా అమ్మడు మరో క్రేజీ ఆఫర్ తన బుట్టలో వేసుకుంది. ఏకంగా గ్లోబర్ స్టార్ సరసన నటించే ఛాన్స్ కొట్టేసింది. ప్రస్తుతం శంకర్ దర్శకత్వంలో మెగా పవర్ స్టార్ రామ్ చరణ్ గేమ్ ఛేంజ‌ర్ మూవీలో నటిస్తున్నారు. రామ్ చరణ్ తన నెక్ట్స్ ప్రాజెక్ట్ ఉప్పెన ఫేమ్ బుచ్చిబాబుతో చేయ‌బోతున్నాడు. RC 16 వ‌ర్కింగ్ టైటిల్ తో ఈ సినిమా అఫీషియ‌ల్ అనౌన్స్‌మెంట్ వచ్చేసింది.
ఈ సినిమాలో చెర్రికి జోడీగా శ్రీలీలను ఎంపిక చేశారని తెలుస్తోంది. దీనిపై ఏకంగా దర్శకుడ బుచ్చిబాబు స్వ‌యంగా హిట్ ఇచ్చాడు. ఇటీవల ఓ సినిమా ప్రీ రిలీజ్ ఈవెంట్ కు శ్రీలీల హాజరైంది. ఆ ఈవెంట్ కు బుచ్చిబాబు కూడా వచ్చారు. ఆ సమయంలో బుచ్చిబాబు రామ్ చరణ్ మూవీపై ఆస‌క్తిక‌ర వ్యాఖ్య‌లు చేశారు. తన నెక్ట్స్ ప్రాజెక్టులో తెలుగు బాగా తెలిసిన అమ్మాయినే హీరోయిన్ గా తీసుకుంటానని శ్రీలీల వైపు ఓ లుక్ వేశారు. వెంటనే ఆమె కూడా ముసి ముసి నవ్వులతో సమాధానం ఇచ్చింది. దాంతో వీరి కాంబో సినిమా కన్ఫర్మ్‌ అయింద‌ని ఓ క్లారిటీ వ‌చ్చింది. అఫీషియ‌ల్ అనౌన్స్‌మెంట్ ఒక్క‌టే రావాల్సి ఉంది. ఇది తెలిసిన నెటిజ‌న్లు శ్రీలీల న‌క్క తోక తొక్కిందంటున్నారు.